“Microsoft”un qurucus Bill Qeyts bildirib ki, süni intellektin sürətli inkişafı ilə bir çox peşə sahəsində insanlarla rəqabət apara biləcək səviyyəyə çatdığını bildirib.

Son illərdə sürətlə inkişaf edən süni intellekt (AI) iş dünyasında köklü dəyişikliklərə səbəb olmağa davam edir. u Bill Qeytsin sözlərinə görə, dünyada çox yayılmış iki peşə inkişaf edən texnologiyalar səbəbindən yaxın illərdə yox olmaq təhlükəsi ilə üz-üzədir.

Bill Qeyts amerikalı televiziya aparıcısı Cimmi Fallonla müsahibəsində bildirib ki, süni intellektin inkişafı ilə xüsusilə tibb və təhsil sahələrində peşələr yox ola bilər. Qeytsin fikrincə, rəqəmsal texnologiyalar gələcəkdə həkimləri və müəllimləri əvəz edəcək gücə çata bilər.

İndi də süni intellekt radioloji görüntüləri saniyələr ərzində təhlil edə, mürəkkəb diaqnozlar qoya və əməliyyatlar zamanı cərrahlara kömək edə bilər. Təhsildə fərdi öyrənmə proqramları təklif edən rəqəmsal platformalar tələbələrə xas məzmun hazırlaya və izləyə bilər.

Dünyada müəllimlik və tibb peşələri həm prestij, həm də yayılma baxımından mühüm yer tutur. Lakin Qeytsin proqnozuna görə, bu sahələrdə çalışan milyonlarla insan süni intellektin inkişafı ilə peşələrini dəyişməli ola bilər.

Ekspertlərin fikrincə, bu transformasiya dərhal baş verməyəcək, lakin gələcəkdə bu peşələrin strukturu köklü şəkildə dəyişə bilər. Səhiyyə və təhsil sahələrində süni intellektin inkişafı narahatlıq yaratsa da, işçi qüvvəsindən səmərəli istifadə etmək və xidmət keyfiyyətini artırmaq potensialına malikdir.