vaxtlı-vaxtında oxuyun! Bazar, 16 mart 2025
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Müstəqillik yolu qədər çətin yol yoxdur»

Heydər Əliyev (1923 - 2003)
AMERİKA  
19:19 | 15 mart 2025 | Şənbə Məqaləyə 20 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

19 milyardlıq müqavilədən imtina

Kanada ABŞ-ın “F-35” layihəsindən çıxa bilər

CAVİD

MÖVZU İLƏ ƏLAQƏLİ

Kanadanın müdafiə naziri Bill Bleyr bildirib ki, ölkəsi ABŞ-dan “F-35” qırıcıları almaq üçün 19 milyard dollarlıq müqavilədən çıxa və başqa variantlar axtara bilər.

Kanada Yayım Korporasiyasının (CBC) məlumatına görə, Bleyr 2023-cü ilin iyun ayında ABŞ-dan 88 ədəd “F-35” döyüş təyyarəsi alınması üçün imzalanan müqavilə ilə bağlı açıqlama verib.

Bleyr bildirib ki, ABŞ prezidenti Donald Tramp tərəfindən tariflərlə təhdid edilən Kanada 19 milyard dollarlıq müqavilədən çıxmaq və təyyarələri alternativ mənbələrdən almaq kimi variantları nəzərdən keçirir.

Ödənişi alınan və 2026-cı ildə təhvil verilməsi gözlənilən 16 “F-35”dən imtina edə bilməyəcəyini deyən Bleyr, “Biz digər alternativləri və bütün döyüş təyyarələrinin “F-35” olub-olmamasını araşdırırıq”, – deyib.

Bleyr donanmanın qalan hissəsinin Avropa şirkətlərindən alınan təyyarələrdən ibarət ola biləcəyini və Kanadada təyyarə hissələrinin yığılması kimi variantların da nəzərdən keçirildiyini qeyd edib.