ABŞ prezidenti Donald Trampın 51-ci dövlət olaraq ilhaq etmək istədiyi və gömrük rüsumlarını ikiqat artıraraq ticarət müharibəsinə başladığı Kanada dünən “G7” ölkələrinin xarici işlər nazirlərini qəbul edib. ABŞ dövlət katibi Marko Rubio da ABŞ-ın yeni prezidentinin siyasətindən qəzəblənən Britaniya, Kanada, Fransa, Almaniya, İtaliya və Yaponiyanın yüksək səviyyəli diplomatları ilə iki günlük danışıqlar aparmaq üçün Kanadaya yollanıb.

Marko Rubio “G7” sammiti üçün Kanadaya səfəri ABŞ-ın polad və alüminium tariflərinin qüvvəyə minməsindən bir neçə saat sonraya təsadüf edib. Marko Rubio təyyarədən enərkən indiyə qədər görünməyən diplomatik rəzalətlə qarşılanıb. Donald Trampın yaratdığı gərginlik ABŞ dövlət katibi Marko Rubionun qəbulunda da özünü göstərib. Rubionun qarşısına düzülmüş qırmızı xalını diqqətlərdən yayınmayıb.

Təyyarənin pilləkənlərində çox qısa (hamam dəsmalı boyda) olan və diplomatik qaydalara görə təhqir kimi qəbul edilə bilən qırmızı xalıya diqqət çəkiblər. Heç kimə sirr deyil ki, Kanada hazırda Donald Trampın hərəkətləri və ritorikasına görə Amerika hakimiyyət orqanlarına düşmən münasibət bəsləyir. Bu davranış həmin nifrətin tərənnümü olub.

Rubionun “G7” sammiti üçün Kvebekdə təyyarədən enməsi anı sosial mediada da geniş müzakirə olunub. “Mən də yata bilmirəm. Mən gülməli şeylər axtarıram, məsələn, Rubio “G7” sammitinə gələndə onun üçün qoyduqları qırmızı xalça kimi”, – deyib.

Rubio Kanadaya Trampın polad və alüminiuma yeni tariflər tətbiq etməyə başlamasından bir neçə saat sonra gəlib. Yeni tariflər Avropa Birliyi və Kanadanı ABŞ-dakı yaxın tərəfdaşları ilə tam hüquqlu ticarət müharibəsinə girməkdən narahat edir.

Bu iki gün ərzində Rubio Böyük Britaniya, Kanada, Almaniya, İtaliya və Yaponiyadakı həmkarları ilə görüşəcək. Bu görüşlərdə Rubionun Trampın son qərarları ilə bağlı həmkarlarından şikayətləri dinləməsi gözlənilir. Xüsusilə də Trampın ilhaq etmək istədiyi Kanada.

Həmkarlarının hər biri ilə ayrı-ayrılıqda görüşlər keçirməsi planlaşdırılan Kanada Xarici İşlər Naziri Melani Coli, “Hər görüşdə tarif məsələsini gündəmə gətirəcəyəm və amerikalılara təzyiq göstərmək üçün necə cavab verə biləcəyimizi danışacağam”, – dedi.

Rubio, öz növbəsində, çərşənbə günü etdiyi çıxışında prezidentin “sadəcə faydalı olacağını düşündüyü bir fikri paylaşdığını” söyləməklə Trampın “51-ci dövlət” ritorikasını azaltmağa çalışdı.