21:39 | 24 aprel 2013 | Çərşənbə
Məqaləyə 4264 dəfə baxılıb
Şriftin ölçüsü
«Əbuturabinin erməni sevgisinin mənbəyi»
Sədrəddin SOLTAN
MÖVZU İLƏ ƏLAQƏLİ
-
Nəsrullahın ölümü 5 sualda
Bu əməliyyatdan sonra Yaxın Şərq hərtərəfli müharibəyə sürüklənə bilər
-
SEPAH generalı da öldürülüb
Azərbaycanı hədələyən Nilforuşan “Hizbullah”ın bombalanan qərargahında olub
-
İranın Azərbaycana hücum etmə ehtimalı
Regional təsirlər və geosiyasi reallıqlar
-
... 20 milyon dollar mükafat
İranlı zabitin həbs olunmasına kömək edəcək məlumat üçün ...
-
Tramp İranı hədələyib
“Ölkənizi məhv edəcəyik deyərdim”
-
Peycer hücumundan sonra İran təhlükə altındadır
İsrail əməliyyatının əks-sədası Tehrana birbaşa hücum ehtimalını artırır
-
Pezeşkiyanın İsrail bəyanatı
Gərginliyi azaltmaq istəyi ilə bağlı çıxışdan sonra İranda gərginlik yaranıb
-
Terrorçulara rus raketləri
İran Husilərə Rusiyanın “Yakhont” dəniz raketlərinin çatdırılmasında vasitəçilik edir
-
“Məni 2898 gün zindanda saxladılar”
Namazi İranda məruz qaldığı işgəncələri izah etməkdə çətinlik çəkib
-
ABŞ-dan İrana yeni sanksiyalar
SEPAH üzvləri və həbsxana rəsmilərinin olduğu 12 nəfərlik siyahı
-
Sanksiyalara qarşı əməkdaşlıq
Pezeşkiandan Kremlə çağırış
-
Putin öz “qırmızı xəttini” keçmiş ola bilər
Kreml nüvə sirlərini İranla bölüşməklə Stalin və Xruşşovun etmədyini edib?!
-
Hicab taxmayanların sayı sürətlə artır
İranda diqqətçəkən mənzərə
-
“Qadınlar, həyat, azadlıq”
Parisdə yüzlərlə insan İran qadın hərəkatına dəstək nümayişi keçirib
-
Nyu-York bandası iş başında
Yaxud İranın rejim rəhbərin taktikası ilə maraqları arasında
-
G7-dən İrana qınaq
“Beynəlxalq hüququn açıq şəkildə pozulmasıdır”
İslamdan danışıb, müsəlmanların haqqını tapdayan, yaxud belələrini bir qayda olaraq, dəstəkləyən Tehran rəsmilərinin sərsəm çıxışları davam edir.
Lent.az-ın erməni informasiya vasitələrinə istinadən məlumatına görə, İslam Respublikası parlamenti sədrinin müavini Məhəmmədhəsən Əbuturabi İranda «Hay dat» mərkəzinin ofisində təşkil olunmuş tədbirdəki çıxışı da bu qəbildəndir.
Ermənilərin uydurduğu tarixlə bağlı orada keçirilən tədbirdə Əbuturabi deyib : «Bu gün suriyalıların qanına əli bulaşanların bir zaman ermənilərin qanına əlini bulaşıb».
İslam Respublikasında erməni dilində çıxan «Alik» qəzeti bildirib ki, bu tədbirdə İranın rəsmi, siyasi, xadimləri və elmə adamlarının iştirak etdiyi mərasimdə sədr müavini «erməni soyqırımı (!?-red)» ifadəsini işlədib.
Məsələnin ən təəccüblü və təəssüfedici məqamı bu sayaq din xadimləri və dövlət adamları islam adından danışır, özlərini dünya «müsəlmanlarının himayəçisi» kimi göstərməyə çalışır.
Ancaq kimsəyə sirr deyil ki, əbuturabilər saxta islam təəssübkeşliyindən yalnız öz hakimiyyətlərini qorumaq üçün istifadə edirlər. Fələstin, Suriya, Bəhreyn, Misir və dünyanın başqa bölgələrində onların fəaliyyəti yalnız buna hesablanıb.
Onu da qeyd etmək lazımdır ki, Suriyada axan qanda Əbuturabi və onun təmsil etdiyi hakimiyyətin payı hamınınkından çoxdur.
Hər il ermənilərin saxta tarixi ilə bağlı İslam Respublikasında yaşayan ermənilər aksiya keçirirlər. Bu ildə belə aksiyalar artıq keçirilməyə başlayıblar. Əbuturabinin çıxışı Tehran hakimiyyətinin bu uydurma tarixə münasibətidir.
Bu məqsədlə İrandakı nəşriyyatlarda çap edilən plakatlarda «24 aprel, 1915-ci il, faşist Türkiyə dövlətinə ölüm!» şüarı yazılıb. İrandakı ermənilər bildirişlər paylayıb, mərkəzi küçələrdə türklər əleyhinə şüarlar yazılmış plakatlar yapışdırılıb.
Ötən il də bir qrup erməni Tehranda ermənilərin bu uydurma tarixi ilə bağlı aksiya keçirmişdi. Polisin mühafizəsi altında keçirilən aksiyada «Türklərə ölüm, Türkiyəyə ölüm, Azərbaycana ölüm!», «Qərbi Ermənistan azad olmalıdır!» kimi şüarlar səsləndirilib.
Bu onu göstərir ki, İranda ermənilərin saxta tarixlərinin himayəçiləri həmişə tapılıb.
Belə aksiya daha geniş miqyasda keçirilir. Tehranın, İsfahanın, hətta Təbrizin və ermənilərin yaşadığı başqa şəhərlərin küçələrinin divarlarına Türkiyə və türklərə qarşı şüarlar yazılır, saxta, qondarma tarixlə bağlı elanlar yayılır.
Əbuturabi saxtakarlığı dilinə gətirən ilk İran rəsmisi deyil. İranın Ermənistandakı səfiri Məhəmməd Rəisi ötən il bu məsələyə münasibət bildirərkən demişdi ki, Osmanlı dönəmində baş vermiş bu hadisə araşdırılmalıdır : «İran İslam Respublikası dünyadakı bütün soyqırımları və buna bənzər halları qınayır».
İran parlamentinin erməni mənşəli deputatı hətta bir neçə il öncə bu məsələni qanunverici orqanın gündəliyinə çıxarmağa cəhd etmişdi.
Yeri gəlmişkən, təəssüflər olsun ki, 1918-ci ilin martında Güney Azərbaycanın Xoy, Salmas, Urmiya şəhərlərində, Muğan bölgəsində, Qaradağ mahalında, ümumiyyətlə, Güney Azərbaycanın əksər yaşayış məntəqələrində ermənilərin də iştirakı ilə türklərə qarşı soyqırım aktını İslam Respublikasının rəhbərliyi dilinə gətirməkdən belə qorxur. Əksinə, bu məsələ ilə bağlı tədbir keçirənlər davamlı surətdə təzyiq və təqibə məruz qalırlar.
Bir xatırlatma. Abbasəli Həsənov Azərbaycanın İranda səfiri olduğu dönəmdə Tehrandakı məscidlərin birində Xocalı soyqırımı ilə bağlı tədbirin keçirilməsinə imkan verilməmiş, həmin tədbir dağıdılmışdı.
Bütün bunlar Tehran hakimiyyətinin İslam respublikası olmadığını, fars mərkəzli İran düşüncə sisteminə qulluq etdiyini göstərir. Yəni, bu dövlət panfarsizm ideologiyası əsasında qurulmuş paniranistlərin dövlətidir. Odur ki, bunların içərisində bölgədə olan bütün qeyri-fars millətlərə qarşı düşmənçilik var. Bunlar qeyri-fars olan millətləri, etnosları, etnik qrupları sevmirlər. Nə türkləri, nə ərəbləri, nə kürdləri, nə də yəhudiləri sevirlər. Odur ki, həmin etnik qrupların dövlətlərinə qarşı da hamıya bəlli münasibət sərgiləyirlər.
İran dövləti əvvəllər terror təşkilatı olan PKK-ya, «Hizbullah» kimi təşkilatlara Türkiyənin ərazisində bir sıra terror aktları törətməkdə, Türkiyəyə qarşı çıxışlar etməkdə hər cür dəstək verib.İran ayrı-ayrı qonşu ölkələrdən terrorçuların, yaxud başqa etnik qrupların Güney Azərbaycan ərazisində yerləşməsinə imkan, şərait yaradıb. Bu tədbirlər yalnız hansısa etnik qrupun, hansısa saxta tarixinin dəstəklənməsi ilə bağlı deyil. Bu, bütövlükdə İran İslam Respublikası hakimiyyətinin, İran İslam Respublikasının bölgədəki dövlətlərə və etnik qruplara münasibətinin göstəricisidir. İran dövləti ermənini ona görə dəstəkləyir ki, o, türkün düşmənidir. Çünki İran İslam Respublikasının yürütdüyü siyasi –ideoloji xəttin alt qatında İran mərkəzli fars şovinizmi dayanır. Bu düşüncə isə türkləri sevmir.
Beləliklə, Əbuturabi bir daha təsdiqlədi ki, İran İslam Respublikası İslam demək deyil.
