09:50 | 7 iyul 2012 | Şənbə
Məqaləyə 3757 dəfə baxılıb
Şriftin ölçüsü
«Danışmaqla hürməyin fərqi»
Günay ARDA
MÖVZU İLƏ ƏLAQƏLİ
-
ABŞ-dan İrana yeni sanksiyalar
SEPAH üzvləri və həbsxana rəsmilərinin olduğu 12 nəfərlik siyahı
-
Sanksiyalara qarşı əməkdaşlıq
Pezeşkiandan Kremlə çağırış
-
Putin öz “qırmızı xəttini” keçmiş ola bilər
Kreml nüvə sirlərini İranla bölüşməklə Stalin və Xruşşovun etmədyini edib?!
-
Hicab taxmayanların sayı sürətlə artır
İranda diqqətçəkən mənzərə
-
“Qadınlar, həyat, azadlıq”
Parisdə yüzlərlə insan İran qadın hərəkatına dəstək nümayişi keçirib
-
Nyu-York bandası iş başında
Yaxud İranın rejim rəhbərin taktikası ilə maraqları arasında
-
G7-dən İrana qınaq
“Beynəlxalq hüququn açıq şəkildə pozulmasıdır”
-
İran kosmosa tədqiqat peyki göndərib
60 kq-lıq “Çemran-1” yerli istehsaldır
-
İsrailin Masyaf hücumu
Suriyada SEPAH-ın raket istehsal edən bazası məhv edilib, sənədlər və 4 hərbçi əsir götürülüb
-
MAQATE-də İran müzakirələri
Qərb Tehranın nüvə silahları əldə etməsinə mane olmaqda qərarlıdır
-
3 İran hərbçisi öldürülüb
Pakistanla sərhəddə silahlı insident
-
Avropadan Tehrana etiraz
Daha bir səfir XİN-ə çağırıldı, İran naziri Araqçı iddiaları təkzib etdi
-
Pezeşkianın ilk xarici səfəri
İran prezidenti İraqın müqəddəs şəhərlərini də ziyarət edəcək
-
ABŞ-dan İrana yeni sanksiya
Fransa, Almaniya və İngiltərədən rəsmi Tehrana xəbərdarlıq, “İran Air” hədəfdədir
-
Zəngəzur dəhlizi – Moskva Tehrana qarşı
İran özünü Rusiyanın tərtib etdiyi tənlikdən kənarda tapır
-
2025-ci ilin martına qədər ...
İran 2 milyon insanı deportasiya edəcək
Tükü tükdən seçən, gününü nəvə əzizləyib, protez düzəltdirməklə keçirmək yerinə, işi-gücü mətbuata açıqlama döşəyən, sevgi şeirləri ilə gənclərə “fora verən” ağsaqqallarımız lazım olan məqamda susurlar. Harda danışmaq, məsuliyyət tələb olunursa, başqa vaxt dil qəfəsə qoymayanlar dərhal lal olur. Nə vaxt qız-gəlinin qaş aldırmağı, qısa geyinməyi, dövlətdən hansısa maddi yardım almaq məsələsi müzakirə mövzusu olur, hər şeydən danışan çənələr susmur.
Bu ölkədə iki mövzu var ki, o haqda hamı danışa bilir: Qarabağ və Təbriz həsrəti. Bir də görürsən ki, muharibə vaxtı əsgərlikdən qaçan, qorxusundan Rusiyanın ucqar vilayətlərində nataşalarla it-bat olan “ziyalılar” beqəfil meydana çıxır. O andaca məlum olur ki, adamın ya evinin təmir vaxtı çatıb, ya da obyektlərinə yoxlama gəlib.
Türklərdə bir söz var: ağzı olan danışır. Danışmaq üçünsə təkcə ağız kifayət eləmir.
Üç aydan çoxdur ki, iki gənc şair Şəhriyar Del Gerani, Fərid Hüseyn İran rejiminin əlindədir. Gənclər İrana poeziya festivalına getmişdilər. Bir həftə keçdi, heç bir xəbər çıxmadı. Ailələri və dostları narahat olmağa başladılar. İki ay sonra onların İranda həbs olunması ilə bağlı rəsmi xəbər yayıldı. Şairlər casusluqda ittiham edilirlər.
İndi gələk, iki gəncin aqibətinə ictimaiyyətin münasibətinə. Mövzu iki insanın taleyidir. Hər cür vəhşiliyə, qanunsuzluğa gedə bilən, saysız-hesabsız ömürləri puç edən İran rejiminin gənclərlə necə davrandığı qeyri-məlumdur. Şeir yazdığı, insan kimi yaşamaq istədiyi üçün molla rejimi yetərincə gənci öz qurbanına çevirib. Fərid və Şəhriyarla bağlı atılan hər addım, deyilən hər söz, ucalan hər səs indi vacibdir. Onların hansı şəraitdə saxlanıldığını, işgəncələrə məruz qalıb-qalmadıqlarını bilmirik. Onların nə zaman buraxılacaqları müzakirə olunmur.
Mətbuatın üz tutduğu ziyalılar isə standart, hamının əzbərlədiyi sözləri təkrar çeynəyirlər.
Bir qrup yazar isə İrandakı şairlərə müraciət edib. Əli hər yerdən üzülən, dostlarını gözləyən yazarlar heç bir söz haqqı olmayan iranlı həmkarlarına üz tutub. O həmkarlara ki, molla rejiminin qorxusundan kitablarını Bakıda çap etdirir.
İki gəncin həyatı hazırda bizim üçün uzun, qara tunel kimi anlaşılmaz və müəmmalıdır. Başqa vaxt danışanda ağzına çullu dovşan sığışmayanların, “haqq, hüquq, qaqq-quuqq”la beynimizi aparanların isə səsi çıxmır. Təbriz həsrəti ilə ciyəri yanan millətçilər gözə dəymir. Sizlərdən ikisi azalsa, dünya dağılmaz. Azərbaycanda sinə cırıb, şaxsey deyən vətənbazlar qurtarmaz. Gedin İrana. Özünüzü rejimə təhvil verin. İki günahsız, İran rejiminin əlinə göydən düşmüş gəncləri isə geri qaytarsınlar. Siz burda heç kimə lazım deyilsiniz. Balıq kimi lal, suiti kimi acanda özünü suyun kənarına vuran ziyanlılar.
Həqiqətən də, danışmaq üçün təkcə ağız kifayət eləmir.
P.S. Sosial şəbəkələrdə Fərid və Şəhriyarın yerinə verə biləcəyimiz sığallı, tumarlı, əli yelpikli “ziyalı”larımızın siyahısını çıxardıq. Siyahı çox uzun oldu.
