19:18 | 14 dekabr 2016 | Çərşənbə
Məqaləyə 1017 dəfə baxılıb
Şriftin ölçüsü
Paytaxtda pulsuz «Wi-Fi»
İlk olaraq İçərişəhər və Milli Parkda
Yaxın bir neçə ay ərzində paytaxt sakinləri və qonaqlar ödənişsiz «Wi-Fi» xidməti vasitəsilə internet şəbəkəsinə daxil ola biləcək.
«Trend»in məlumatına görə, bunu «Caspian European Club»un iclasında Rabitə və Yüksək Texnologiyalar Nazirliyi Aparatının daxili nəzarət və audit şöbəsinin müdiri Tahir Məmmədov deyib.
Onun sözlərinə görə, «İctimai «Wi-Fi»» layihəsi çərçivəsində işlər davam edir.
T.Məmmədov deyib: ««Wi-Fi» İçərişəhər və Milli dənizkənarı park ərazisində yerləşdiriləcək. Bu layihənin əsas məqsədi insanların kütləvi toplandığı yerlərdə sakinlər və şəhərin qonaqlarının internetə girişini təmin etməkdir».
