vaxtlı-vaxtında oxuyun! Cümə axşamı, 28 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Seyid Cəfər Pişəvəri (1892 - 1947)

«Ancaq topların ağzından açılan atəş haqq sözüdür»

Seyid Cəfər Pişəvəri (1892 - 1947)
BANK, BİRJA, SIĞORTA  
17:44 | 22 yanvar 2014 | Çərşənbə Məqaləyə 2264 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Rəsmi açıqlama

«Düzgün və dolğun məlumatların açıqlanması üzrə tələblər sərtləşdirilir»

MÖVZU İLƏ ƏLAQƏLİ

Bir neçə gündür mətbuatda bankların əhaliyə kredit verilməsi şərtlərini çətinləşdirməsi haqda məlumatlar yazılır. Belə ki, yeni qaydalara əsasən kredit götürən şəxs iş yerindən arayış gətirməsi və həmin sənəddə yüksək məvacib alması qeyd olunması vacibdir. Məlumatlarda həmçinin banklara kredit şərtlərini daha da çətinləşdirmək barədə tövsiyənin Mərkəzi Bank tərəfindən verildiyi bildirilir. Mərkəzi Bankın Kommunikasiya Departamenti adıçəkilən məsələyə münasibət bildirib. Press relizdə deyilir:

«Son günlərdə kütləvi informasiya vasitələrində əhaliyə istehlak məqsədilə təminatsız kreditlərin verilməsi ilə bağlı məlumatlar verilməkdədir və bu zaman bəzən qeyri-dəqiq şərhlərin verilməsi hallarına rast gəlinir. 
Bununla əlaqədar bildiririk ki, Mərkəzi Bankın «Banklarda kreditlərin verilməsi qaydaları»nın tələblərinə əsasən təminatsız kreditlər borcalanın uzunmüddətli maliyyə hesabatları və kredit tarixləri əldə edilməklə verilməlidir. Fiziki şəxslər üçün tələb olunan maliyyə hesabatları qismində əmək haqqı və ya fiziki şəxsin rəsmi qaydada təsdiq edilmiş digər mənbələrdən aldığı gəlirlər barədə arayış çıxış edir. 
Qeyd olunmalıdır ki, təminatsız kreditlər beynəlxalq praktikada da daha ciddi qiymətləndirmə və anderraytinq tələb edən kredit məhsulları hesab edilir. Bu baxımdan borcalanın gəlirlərinin və beləliklə, borclanma qabiliyyətinin təsdiq edilməsi kredit portfelinin keyfiyyətinin qorunub saxlanılmasına, borcalanların maliyyə vəziyyətinin pisləşməməsinə və bankların maliyyə dayanıqlığının artırılmasına xidmət edir. Mərkəzi Bank bank sektoruna maliyyə dayanıqlığının daha da gücləndirilməsi məqsədilə banklara «məsuliyyətli borc vermə» prinsiplərinə müvafiq olaraq kreditlərin verilməsi sahəsində işlərini intensivləşdirməyi və bu sahəyə nəzarəti artırmağı tapşırıb. Bundan əlavə, istehlakçıların hüquqlarının qorunması və maliyyə savadlılığının artırılması istiqamətində də tədbirlər davam etdirilir. Bu çərçivədə Mərkəzi Bank tərəfindən banklarda istehlakçılara kredit məhsullarının şərtləri ilə bağlı düzgün və dolğun məlumatların açıqlanması üzrə tələblər sərtləşdirilir».