AKP seçim qarşısında
Hakim partiya İstanbulu təhvil versə maliyyəni, saxlasa reytinqini itirə bilər
Şahin CƏFƏRLİ
MÖVZU İLƏ ƏLAQƏLİ
-
“S-400”ə qarşı “Brahmos”
Yunanlar tüfəngin qarşısını sapandla almaq istəyir
-
... Avropanın ilk beşliyində
Milyarderlər məskəni, sevimli-əziz şəhər ...
-
Üç Türk lider bölgənin iqtisadi xəritəsini dəyişir
ABŞ-ın narazı qaldığı məqam
-
Dövlət Departamentindən “F-16” izahı
“Heç bir müttəfiqimiz Türkiyə qədər öz torpaqlarında terrora məruz qalmır”
-
“F-16”lar üçün yaşıl işıq
Yunan və erməni lobbisinin əziyyətləri özlərinə qaldı
-
Ən azı 20 tanker gözləyir
Gəmilər Türkiyənin ərazi sularında tıxac yaradıb
-
Qardaş yumruğu və mollaların bədbəxtliyi...
Ayətullahlar sovetin qoca Politbüro üzvləri kimi eyni durum, eyni “ssenari” ilə üzləşib
-
Tehran “F-16”ları gördü
Qırıcılarının təlimlərə cəlb edilməsi Əliyevin toxunduğu məqamı aktuallaşdırdı
-
“Dostlara güc, düşmənə qorxu”
Hərbi təlimlər Güney azərbaycanlıları öz haqları uğrunda mübarizəyə həvəsləndirir
-
“Bir gecə, qəfildən ...”
Xarici işlər naziri Çavuşoğludan Yunanıstana sərt reaksiya: “Geri addım atmasa, lazım olanı edəcəyik”
-
524 gəmi, 13 milyon ton taxıl
Almaniyanın məşhur qəzeti Ərdoğanı göylərə qaldırdı ...
-
“Hara getsək arxamızca qaçır”
“Çavuşoğlu Dendiası ələ saldı” başlığını manşet edən yunan mətbuatı Akarın Bakı səfərindən də yazıb
-
“Özünü qorumaq haqqı var”
İsveç baş nazirinin keçmiş millət vəkilinə Türkiyə cavabı
-
Almaniyanı xilas edən türk həkimlər
Ölkə onların hesabına ildə 4 milyard avroya qənaət edir
-
Ver “S-400”ü, al “F-35”i
ABŞ Türkiyəyə yeni şərt
-
İşbirliyi bitdi
Suriyadakı terrorçular ABŞ-la əməkdaşlığı dayandırıb
İstanbulun 24 rayonunda (ilçe) 5 gündür etibarsız bülletenləri sayırlar. 18 rayonda proses tamamlandı. Gördülər ki, aradakı fərq qapanmır (bir qədər azalsa da), dünən axşam qalan 15 rayonda da etibarsız bülletenlərin yenidən sayılmasına qərar verdilər. (İstanbulda 39 rayon var.) Bunun da bir nəticə verməyəcəyi aydındır, ona görə də Əkrəm İmamoğlunun qarşısını kəsmək üçün yeganə yol qalır: seçkilərin nəticələrinin ləğvi.
Bir az əvvəl xəbər yayıldı ki, AKP-nin İstanbul Böyükçəkməcə təşkilatı bu rayon ərazisində qanunsuz seçici qeydiyyatının olduğunu səbəb göstərərək şəhər üzrə nəticələrin ləğvi üçün vilayət (il) seçki komissiyasına müraciət edib, lakin bu tələb qəbul olunmayıb. Ola bilər ki, bu cür cəhdlər davam etsin.
İstanbulu itirməyi həzm etmək, qəbul etmək iqtidardakı mövcud zehniyyət üçün asan deyil. Bunun siyasi mənasını və mümkün siyasi nəticələrini hamınız az-çox bilirsiniz. İstanbulun müxalifətin əlinə keçməsi “Rəis”in sehrinin pozulması, məğlubedilməz lider obrazının sarsılması deməkdir. Qarşıdakı 4 ildə burada İmamoğlunun uğurlu fəaliyyəti onu Cümhuriyyətin 100-cü ildönümündə prezident seçkilərinin favoritinə çevirəcək və Kılıçdaroğlunun bu seçkilərdə ilk nəticələrini aldığı CHP-ni geniş əhali kəsimlərinə açma strategiyasının sonrakı uğurları üçün də əlverişli zəmin yaratmış olacaq.
Məsələnin heç də az əhəmiyyət daşımayan iqtisadi-maliyyə tərəfi də var. İstanbul bələdiyyəsi əsas korrupsiya əməliyyatlarının həyata keçirildiyi, milyardların yeyildiyi, yandaşların bəsləndiyi əsas mənbədir, çeşmənin başıdır. Dəyirmanın suyu əsasən burdan gəlir. Məsələn, 2018-ci ildə İstanbul böyükşəhər bələdiyyəsi büdcəsindən iqtidara yaxın, onların ailə üzvləri tərəfindən idarə olunan vəqflərə (QHT) nə az, nə çox - düz 847 milyon lirə pul köçürülüb. 847 milyon... Heç bir rəsmi vəzifə tutmadıqları halda, bələdiyyədən hər ay qanunsuz maaş alan on minlərlə insan (iqtidar partiyası fəalları, jurnalistlər, trollar və s.) olduğu iddia edilir. Bələdiyyədən yandaşlara, təriqətlərə, camaatlara uzanan bu xortumların kəsilməsi iqtidar partiyasına böyük zərbə vuracaq. Dünən İmamoğlu həmin vəqflərə köçürmələrin dayandırılacağını, bələdiyyədə şəffaflığın maksimum təmin ediləcəyini açıqladı.
İndi əsas sual budur ki, prezident Ərdoğan İstanbul seçkilərinin ləğvinə gedəcəkmi? Bu, çox riskli yol olar. Türkiyədə haqqı yeyilən, yəni mağdur edilən siyasətçinin nüfuzu artır və bunu ən yaxşı Ərdoğan bilir. Təkrar seçki olarsa, İmamoğlu açıq fərqlə qalib gələr. Qalır təkrar seçkidə saxtalaşdırma yolu ilə lazımi nəticənin təmin edilməsi. Bu da çıxış yolu deyil və daxildə narazılığın artması, vətəndaş qarşıdurmasının yaranması, Ərdoğanın legitimliyini itirməsi, ölkənin özünü müasir dünyadan təcrid etməsi və digər neqativ nəticələrə gətirib çıxarar. Üstəlik, xaricdən ciddi miqdarda maliyyəyə ehtiyac duyulduğu iqtisadi böhran dövründə bu yola əl atmaq öz ayağına güllə sıxmaq anlamına gələn ağılsız bir addım olar. Xalqın əksəriyyəti dəstək verməz.