Keçmiş Şimali Koreyalı Ukraynada döyüşən Pxenyan əsgərlərinə əsir düşsələr, ailələrinin edam ediləcəyi bildirilib.

Şimali Koreyalı qaçqın və tədqiqatçı Pak Yusung “ABC News”a, "Əsgərlər əsir düşsələr və düşmənə məlumat versələr, onların ailələri cəzalandırılacaq, siyasi həbs düşərgəsinə gedəcəklər və ya daha pisi, açıq şəkildə edam olunacaqlar”, – deyib.

2019-cu ildə Cənubi Koreyaya qaçan Ryu Şonq-hyeon, nəticədə bir neçə Şimali Koreya əsgərinin əsir düşdüyünü söyləyib.

Şonq-hyeon “ABC News”a, "Əsgərlərin çoxu düşmən tərəfindən öldürülməzdən əvvəl özlərini öldürürlər, tutulmaq ən böyük ayıbdır”, – deyib. Cənubi Koreya kəşfiyyatı da bunu təkrarlayaraq, Şimali Koreyanın əsir düşməmək üçün əsgərlərinə özlərini öldürməyi əmr etdiyini iddia edib.

Şimali Koreya lideri Kim Çen In ötən ilin noyabrında Moskvanın itkilərinin artmaqda davam etdiyi bir vaxtda Rusiya qoşunlarına qoşulmaq üçün 11 mindən çox əsgər göndərmişdi.

Fevralın əvvəlində Ukrayna və Amerika rəsmiləri Şimali Koreya qoşunlarının itkilərə görə cəbhədən geri çəkildiyini bildirsələr də, bir neçə gün sonra Cənubi Koreya kəşfiyyatı Rusiyanın Kursk bölgəsinə əlavə hərbçilərin göndərildiyini iddia edib.

Prezident Vladimir Zelenski yanvar ayında Ukrayna qüvvələrinin ilk dəfə iki Şimali Koreya əsgərinin əsir götürdüyünü söyləyib.

Cənubi Koreya kəşfiyyatının məlumatına görə, bu iki əsgər Şimali Koreyanın kəşfiyyat bürosunda işləyirmiş.

Kiyevin əsir götürüldükdən sonra yaydığı təxminən üç dəqiqəlik videoda əsgərlərdən birinin evə getmək istəyib-istəmədiyini soruşduqda Ukraynada qalmaq istədiyini deyib.

Koreyalı tərcüməçi həmçinin “Ukraynaya qarşı müharibə apardığınızı bilirdinizmi?" Soruşduqda əsgər başını bu yana yelləyərək cavab verdi.

Kiyevin məlumatına görə, 2025-ci il yanvarın əvvəlinə qədər Rusiyada 3000-dən çox Şimali Koreya əsgəri yaralanıb və ya öldürülüb.

Cənubi Koreya kəşfiyyatının toqquşma videosunun təhlili itkiləri Şimali Koreya əsgərlərinin “müasir müharibədə təcrübəsinin olmaması” və uzun məsafədən pilotsuz təyyarələrə “lazımsız” atəş açması ilə əlaqələndirib.

Ukrayna-Rusiya müharibəsi dördüncü ilinə qədəm qoyduqca, ABŞ prezidenti Donald Tramp və Vladimir Zelenski arasında mübahisəli görüşdən sonra sülh danışıqlarına dair ilkin ümidlər puça çıxdı.

Sonra bazar ertəsi gecə Tramp Kiyevə hərbi yardımı dayandıracağını elan edərək, Ukraynanın qanlı işğala qarşı mübarizə ümidlərinə böyük zərbə vurdu.