Cənubi Koreya hərbçiləri bildiriblər ki, Şimali Koreya yeni nümayiş etdirilən döyüş gəmisi üzərində işləmək üçün Rusiyadan kömək almış ola bilər. Bəzi analitiklərin dediyinə görə, Şimali Koreya qısa mənzilli taktiki nüvə raketləri ilə təchiz oluna bilən “Choe Hyon” adlı 5 min tonluq esmines sinfinə aid gəmini ötən şənbə nümayiş etdirib.

Cənubi Koreya Birləşmiş Qərargahının sözçüsü Li Sonq Jun jurnalistlərə bildirib ki, Rusiya hərbi gəminin inşasına kömək təklif etmiş ola bilər.

“The Moscow Times”ın məlumatına görə, Li bu, “Müəyyən edilmiş silah və texnikaya baxaraq, onların Rusiyadan texnologiya, maliyyə və ya yardım alma ehtimalı var. Biz daha ətraflı təhlillər aparırıq”, – deyib.

***

Pxenyanın rəsmi Koreya Mərkəzi Xəbər Agentliyinə görə, Şimali Koreya lideri Kim Çen In bu həftə gəminin iki günlük silah sınağının ilk gününə nəzarət edib və bu müddət ərzində rəsmilərə “dəniz donanmasının nüvə silahlanmasının sürətləndirilməsi” üzərində işləməyi tapşırıb.

Pxenyan bildirib ki, “ən güclü silahlarla” təchiz olunduğunu iddia etdiyi esmines gələn ilin əvvəlində fəaliyyətə başlayacaq.

Kim sınaq zamanı bildirib ki, Şimalın gəmiyə əsaslanan atəş gücü sistemi səsdən sürətli qanadlı raketlər, strateji qanadlı raketlər və taktiki ballistik raketlər də daxil olmaqla, ən güclü hücum vasitələri ilə effektiv şəkildə birləşdirilib.

Cənubi Koreya Birləşmiş Qərargahının sözçüsü Li, gəminin yerləşdirilməsinin daha çox vaxt tələb edəcəyini söylədi: “Döyüş gəmilərinə gəldikdə, onların inşası bir neçə il çəkir və hətta tamamlandıqdan sonra istismara verilməsi üçün əlavə vaxt lazımdır”.

***

Bu həftənin əvvəlində Şimali Koreya ilk dəfə olaraq Rusiyaya qoşun göndərdiyini təsdiqlədi, dövlət xəbər agentliyi KCNA Pxenyan əsgərlərinin Kursk bölgəsindəki əraziləri geri almaq üçün döyüş əməliyyatlarında iştirak etdiyini bildirdi.

Təsdiq Cənubi Koreya və Qərb kəşfiyyat agentliklərinin Pxenyanın keçən il Kurskda Rusiyaya yardım etmək üçün 10 mindən çox hərbçi göndərdiyinə dair aylarla hesabatlarından sonra gəlib.

Rusiya və Şimali Koreya da ilk avtomobil körpüsünün inşasını elan edərək, layihəni iki ölkə arasında əlaqələrin dərinləşməsinin simvolu kimi təqdim ediblər.