Adı qorxu janrı ilə yanaşı səslənən, əsərləri dəfələrlə filmə çevrilən Stiven Kinqin daha bir romanı yenidən ekran əsəri üçün hazırlanır.

“Netflix” məşhur yazıçının “Kujo” romanının remeykinə yaşıl işıq yandırıb.

***

“Hollywood Reporter”in məlumatına görə, qorxunc hekayənin yeni adaptasiyasını “Yoldaş” (“Comanion”), “Qəribə sevgilim” (“Srange Darling”) və “Şeytanla Bir Gece” (“Late Night with the Devil”) kimi qorxu filmləri ilə tanınan Roy Li istehsal edəcək.

Hekayə itin mehriban bir heyvandan qaniçən ölüm maşınına çevrilməsindən və ana və oğlunun avtomobilində köməksiz qalaraq sağ qalmaq üçün mübarizə apardıqlarından bəhs edir.

“Netflix” artıq layihə üçün ssenarist axtarışına başlayıb.

1981-ci ildə nəşr olunan roman ilk dəfə 1983-cü ildə Di Uollesin baş rolda oynadığı böyük ekrana uyğunlaşdırılıb. Filmdə 200 kiloluq Senbernar it cinsindən olan Kujo dovşanı qovarkən quduz yarasa tərəfindən dişləndikdən sonra ölümcül, amansız və məkrli ovçuya çevrilir.

Ana və oğlu xarab olmuş kiçik avtomobilinin içində günəşin altında qalıblar. Onlar ya quduz itlə mübarizə aparmalı, ya da həddindən artıq istidə nəqliyyat vasitəsində qalaraq gün vurma riski almalıdırlar.

Hollivud Kinqi sevir

Kinqin 1976-cı ildə nəşr olunan “Kerri” romanı ilə başlayan ənənə Hollivudun uzun müddətdir böyük maraq göstərdiyi bir yazıçıdır.

77 yaşlı Kinq romanlarını dəfələrlə böyük ekrana gətirib və böyük uğur qazanıb. Bunlara “Parıltı” (“The Shining”), “Şouşenkdən qaçış” (“The Shawshank Redemption”), “Mənimlə qal” (“Stand by Me”) və “O” (“It”) daxildir.

Mayk Flanaqan da Kinqin əsərlərinin böyük ekran versiyasını yaradan adlardan biridir. Rejissor “Çakın həyatı” (“The Life of Chuck”), “Doktor yuxusu” (“Doctor Sleep”) və “Ceraldın oyunu” (“Gerald's Game”) kimi filmlərdə Kinqlə birlikdə çalışmışdı.

Daha bir roman kinoya çevrilir

Digər tərəfdən, “Lionsgate” yazıçının 1979-cu ildə nəşr olunan distopik romanı “Uzun Yürüş”ün (“The Long Walk”) hüquqlarını satın aldı və Frensis Lourensi rejissor kreslosuna gətirdi.

Kinqin özünəməxsus karyerası ərzində təxminən 65 roman və 200-dən çox qısa hekayə dərc etdiyini nəzərə alsaq, bu əsərlərin bütün dünyada böyük diqqəti cəlb etməsi və film və serialların hüquqlarının tez bir zamanda alınması təəccüblü deyil.