Yeni bir araşdırmaya görə, kişilərdə piylənmə riskini üç dəfə artıran evlilik qadınlara təsir etmir. Polşanın paytaxtı Varşavadakı Milli Kardiologiya İnstitutunun alimləri orta yaşı 50 olan 2405 nəfərin tibbi və ümumi sağlamlıq məlumatlarını araşdırıblar. Onlar artan bədən çəkisi ilə yaş, ailə vəziyyəti, psixi sağlamlıq və digər amillər arasında əlaqəni müəyyən etmək üçün statistik təhlildən istifadə ediblər.

Bu il İspaniyanın Malaqa şəhərində keçirilən Avropa Piylənmə Konqresində təqdim edilən araşdırma, evli kişilərin subay kişilərdən 3,2 dəfə çox şişman olduğunu ortaya çıxarıb. Ancaq evli qadınlarda piylənmə riskində artım müşahidə edilməyib.

Evliliyin şişman olma ehtimalını kişilərdə 62, qadınlarda isə 39 faiz artırdığı da müəyyən edilib.

“The Guardian” yazır ki, tapıntılar 2024-cü ildə aparılan bir araşdırmanın nəticələrini dəstəkləyir ki, kişilərin bədən kütləsi indeksi evləndikdən sonra ilk beş il ərzində daha çox kalori qəbulu və daha az məşq kimi səbəblərə görə artıb.

Çində aparılan bu araşdırma, şişman olduğu müəyyən edilən kişilərin nisbətində 5,2 faiz və piylənmə diaqnozu qoyulma nisbətinin 2,5 faiz artması evlilik ilə əlaqələndirilib.

Qlobal piylənmə nisbətləri 1990-cı ildən bəri iki dəfədən çox artıb, 2,5 milyarddan çox böyüklərdə və uşaqlarda artıq çəki və ya piylənmə müəyyən edilib.

Dünyada 2050-ci ilə qədər böyüklərin yarısından çoxunun və uşaqların üçdə birinin artıq çəki və ya piylənməyə məruz qalacağı ehtimal olunur.