Dünən ABŞ və Çin arasında ticarət gərginliyinin yumşaldılması və Federal Ehtiyat Sisteminin faiz dərəcələrini gözlənildiyindən daha az azaldacağına işarələrdən sonra qızıl çərşənbə günü 2 faizdən çox ucuzlaşdıqdan sonra itkilərini artırıb.

Külçə bu gün 1 faizdən çox ucuzlaşaraq bir unsiya üçün 3140 dollar civarındadır ki, bu da bir ayın ən aşağı səviyyəsidir. ABŞ Xəzinədarlığının gəlirləri, ABŞ-Çin ticarət barışığından sonra yaxşılaşan iqtisadi mənzərə səbəbiylə FED-in daha sonra faiz dərəcələrini aşağı salacağı gözləntiləri ilə yüksəlib. Yüksək istiqraz gəlirləri və faiz dərəcələri, ümumiyyətlə, faizsiz qızıl üçün arzulanan deyil.

Ticarət danışıqlarındakı irəliləyiş də qızıla qarşı küləkləri artırıb. Çin 28 ABŞ şirkətinə həm hərbi, həm də mülki məqsədlər üçün potensial olaraq bəzi nadir torpaq elementlərini əhatə edə bilən məhsulların ixracına qoyulan qadağanı qaldırıb. Dünyanın iki ən böyük iqtisadiyyatı arasındakı bu yumşalma qızılın etibarlı sığınacaq kimi cazibəsini azaldıb və bu həftə riskli aktivlərdə güclü canlanmaya səbəb olub.

Buna baxmayaraq, qızıl qiymətləri il ərzində hələ də təxminən 20 faiz bahalaşıb. Qiymətlər aprel ayında rekordlar qıraraq bir unsiya üçün 3500 dolları keçmişdi. İnvestorlar Trampın tariflərinin səbəb olduğu ticarət gərginliyinin daha sürətli inflyasiya, iqtisadi yavaşlama və ya hətta tənəzzülə səbəb ola biləcəyindən narahat idilər.

Spot qızıl Bakı vaxtı ilə saat 9:19-a məlumata görə 1,2 faiz ucuzlaşaraq 3 139,77 dollar olub. “Bloomberg Dollar Spot” İndeksi bir qədər aşağı düşüb. Gümüşün qiyməti əvvəlki sessiyada 2 faizdən çox ucuzlaşdıqdan sonra yenidən düşüb. Palladium da bir qədər azalıb, platin isə sabit qalıb.