vaxtlı-vaxtında oxuyun! Cümə axşamı, 28 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Üzeyir bəy Hacıbəyov (1885 - 1948)

«Əgər asudəlik istəyirsənsə, vaxtını hədər yerə itirmə»

Üzeyir bəy Hacıbəyov (1885 - 1948)
CƏMİYYƏT  
21:12 | 20 yanvar 2014 | Bazar ertəsi Məqaləyə 3672 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Azercell»in fırıldaqları

Telefonunuza gələn kampaniya mesajları konturlarınız üçün təhlükəlidir

Hikmət KƏRİMOĞLU

MÖVZU İLƏ ƏLAQƏLİ

«Azercell» şirkəti müxtəlif üsullarla abonentlərindən külli miqdarda pul mənimsəyir. Şirkət müxtəlif tarif və kampaniyalara qoşulmaq üçün tələb olunan nömrələrə SMS göndərməyi abonentlərinə təklif edir. Telefona gələn mesajda xidmət haqqı kimi 5 qəpik göstərilir. Ancaq kampaniyaya qoşulmaq üçün mesaj göndərdikdə isə balansdan 1 manat və ya daha çox (kampaniyadan asılı olaraq) pul çıxır. Milyonlarla abonentinin olduğunu deyən «Azercell» şirkəti bu mesajları bütün abonentlərinə göndərir və onları aldadaraq külli miqdarda pul qazanır.

Telefonda olan «Azercell» nömrəsinə gələn mesajlara diqqət edək:  «Bölgələrdə xüsusi tarifdən yararlan»!   Hər tərəfə 1 dəq=5 qəp! Üstəlik, şəbəkədaxili 3-cü dəqiqədən sonra 0 qəp. Bölgə yaz, 7575-ə göndər. Etraflı www.azercell.com».
Bu məzmunda məktub aldıqdan sonra, «Bölgə» yazıb, 7575-ə mesaj göndərdik. «Azercell» şirkətindən belə bir cavab mesajı gəldi: «Bölgə tarifinə qoşuldunuz! Bakı və Abşeron 1dəq = 10qəp. Bölgələr 1 dəq=5 qəp və 3-cü dəqiqədən sonra pulsuz. Tarifdə bəzi kampaniyalar aktiv deyil. Ətrafli: www.azercell.com».
8228-dən gələn mesajlar isə sözün həqiqi mənasında abonentləri soymağa hesablanıb. Belə ki,  bu nömrədən gələn mesajda yazılır: «2729-a  sən də SMS göndər! Sən də hədiyyə qazan»! Bir mesajın qiyməti 5 qəpik kimi qeyd edilsə də, ancaq sonradan məlum olur ki, 2729 nömrəsi qalib etmir. Qalib olmaq üçün 8228-ə mesaj göndərmək lazımdır. Həmin mesaj üçün də balansdan 5 qəpik yox, 1,18 manat silinir.
Ancaq adıçəkilən şirkətin fırıldaqları bununla bitmir. Özündə bir neçə törəmə şirkəti birləşdirən «Azercell» həmin törəmə şirkətlər vasitəsi ilə də abonentlərinin cibinə yumşaq şəkildə «əl gəzdirir». «Azercell» ə bağlı olan belə törəmə şirkətlərdən biri də «Mobisky» şirkətidir. Bu şirkətin fırıldaqları ilə üzləşən «Azercell» abonentlərindən biri gunxeber.com-un redaksiyasına məktubla müraciət edib. Həmin məktubda abunəçi bildirir ki, 16.01.2014-də axtarış sistemi vasitəsi ilə mp3 axtarışında yönləndirilən saytlardan biri olan mp3ler.biz saytına baxdım, saytı bağlayan kimi balansımdan 0.61 manat çıxıldı: «Halbuki, mənim balansımda kifayət qədər internet paketi var idi. Amma buna baxmayaraq balansımdan 0, 61 manat çıxıldı. Məsələ ilə bağlı «Azercell» in müştəri xidmətlərinə zəng edib 0,61 manatın niyə çıxıldığı ilə bağlı maraqlandım. Mənə dedilər ki, siz «Mobisky» şirkətinin xidmətindən istifadə etmisiniz. Zəhmət olmasa həmin şirkətə zəng edib soruşun. Həmin şirkət isə məsələyə aydınlıq gətirməkdən imtina etdi».
Qeyd edək ki, biz də dəfələrlə eyni halla qarşılaşmışıq. «Azercell» dən telefonumuza gələn mesajları açdıqda heç bir xəbərdarlıq etmədən dərhal hər hansısa bir xidmətə abunə edirlər və bundan sonra balansımızdan olan konturların silinməsi prosesinə start verilir. Məsələ ilə bağlı «Azercell» in müştəri xidmətlərinə müraciət etdikdə isə «Siz «Mobisky» şirkətinin xidmətindən istifadə etmisiniz», deyə yaxalarını kənara çəkirlər. «Mobisky» şirkəti isə yuxarıda qeyd etdiyimiz kimi «Azercell» in törəmə şirkətidir. Məhz bu şirkətin loqosu altında gizlənən «Azercell» bu yolla abonentlərinin «cibinə əl uzadır»…