
“Narkobaron”
Trampdan Kolumbiya prezidentinə ağır ittiham
Trampdan Kolumbiya prezidentinə ağır ittiham
Trampın Çindən tələbləri
Planlaşdırılan Budapeşt görüşü siyasi parçalanma yaratdı
ABŞ qran-prisinin məşq prosesi və seçmə yarışlar pulsuz izlənəcək
Sergey Lavrov və Zərif arasında qarşıdurma
Çin isə Trampın əsas tələbləri ilə razılaşmadı, əksinə ...
İtalyan makaron şirkətləri ABŞ vergisinin təzyiqi altında
“Trampın sözlərini deyil, Hindistan XİN-in rəsmi bəyanatını əsas götürürük”
Günahkar iqlim dəyişikliyidir?
HƏMAS silahı buraxmasa, əməliyyatlar bu dəfə təşkilatın tamamilə məhvinə qədər davam edəcək
Hökumətin bağlanması ABŞ-a baha başa gələ bilər
NATO-dan qayıdan heyət İngiltərəyə fövqəladə eniş etdi
Müdafiə nazirinin xəbərdarlığı Avropa liderlərini həyəcanlandırıb
Donald Tramp: “Əgər gömrük vergilərimiz olmasaydı, ...”
Birjaların vəziyyəti ABŞ Maliyyə nazirini narahat etmir
14 milyard dollarlıq “Bitcoin” ələ keçirildi
Amerika Birləşmiş Ştatlarının Maliyyə Nazirliyinin rəsmiləri çərşənbə axşamı bildiriblər ki, “Böyük yeddilər” qrupunun (“G-7”) bu həftə keçirilən iclasında onlar Avropa ölkələrinə birbaşa neft embarqosuna sürətli alternativ olaraq Rusiya neftinə tariflər tətbiq etməyi təklif etməyi planlaşdırırlar.
Avropa İttifaqı rəsmiləri Rusiyanın Ukraynada müharibəsinə növbəti cavab olaraq Rusiya neftinin idxalına mərhələli embarqo tətbiq etməyi nəzərdən keçirir, lakin bəzi Şərqi Avropa ölkələrində tədarükün kəsilə biləcəyi ilə qorxular bu planın irəliləməsi qarşısında ciddi maneə yaradır.
ABŞ-ın təklif edəcəyi tarif mexanizmi Rusiya neftini bazarda saxlayacaq, lakin ixracdan Moskvaya daxil ola biləcək gəlirin miqdarını məhdudlaşdıracaq. Bu barədə ABŞ Maliyyə Nazirliyinin rəsmiləri Brüsseldə jurnalistlərə bildiriblər. “G-7”nin maliyyə nazirləri və mərkəzi bank rəhbərlərinin görüşünün bu həftənin sonu baş tutacağı gözlənilir.
ABŞ rəsmiləri deyirlər ki, Rusiya nefti dünya qiymətləri ilə müqayisədə endirimlə satıldığı üçün tariflər həm fərqin bir hissəsini aradan qaldıracaq, həm də Rusiyanın mənfəətini azaldacaq səviyyədə müəyyən edilə bilər. Lakin onlar əlavə ediblər ki, bu, Rusiyanın istehsal xərclərini üstələyən mənfəət əldə etməsi üçün kifayət qədər aşağı olmalıdır ki, bu da ixracatın davam etdirilməsinə stimul verəcək.
Onların bildirdiyinə görə, Rusiya nefti bazarda qalarsa, bu, Avropa embarqosu nəticəsində neftin qiymətinin mümkün qalxmasının qarşısını alacaq və bu, embarqonun Rusiya gəlirlərinə təsirini kompensasiya edə bilər.
Bir çox hökumətlər Rusiya neftinin alınmasını mümkün qədər tez dayandırmaq niyyətindədir, lakin rəsmilər deyirlər ki, bu, neftin qiymətinin yüksək olması riski daşıyır. Buna görə də ABŞ Maliyyə Nazirliyi qlobal iqtisadiyyatı yüksək enerji qiymətləri nəticəsində gələcək zərərlərdən qorumaq üçün tariflər də daxil olmaqla qiymət mexanizmlərini nəzərdən keçirir.
Tariflərdən əldə edilən gəlirlər Ukraynanın bərpası və yenidən qurulması üçün fonda yönəldilə bilər və beləliklə, Moskvanı geniş yenidənqurma işlərinin heç olmasa bir hissəsini ödəməyə məcbur edə bilər.
Sözügedən təklif “G-7” lideri Mario Draginin ötən həftə prezident Co Bayden ilə görüş zamanı qiymətləri cilovlamaq üçün neft alıcıları kartelinin yaradılması ideyasını irəli sürməsindən sonra irəli sürülüb.