İsraildə bu gün seçkilər keçirilsəydi, Baş nazir Benyamin Netanyahunun “Likud” partiyası parlamentdə (Knesset) 34 yer qazana bilərdi. Bu nəticə, qalan əsirlərin azad edilməsi və Qəzzada atəşkəsin təmin edilməsindən sonra baş nazirin reytinqində ciddi artıma işarə edir.

Vaxt.AZ “The Times of Israel”ə istinadən xəbər verir ki, “Zman Yisrael" yaydığı anketə görə, Bu, 2023-cü il oktyabrın 7-də “HƏMAS”ın həyata keçirdiyi qanlı soyqırım və bundan sonra Qəzzada başlanan münaqişədən sonra “Likud”un əldə etdiyi ən yüksək nəticədir.

Sorğuya görə, Netanyahunun əsas rəqibi olan keçmiş Baş nazir Naftali Bennettin partisi isə yalnız 20 yer qazana bilər.

“Likud”un əldə edəcəyi sayının artması ilə hakim koalisiya partiyaların Knessetdə yer sayı 59-a çata bilər. Bu isə hökumət qurmaq üçün lazım olan 60 yerə maksimum səviyyədə yaxınlaşmaq deməkdir.

Sorğuya görə, bu gün seçki keçirilsə, “Hadaş” Ərəb Yenilik Koalisiyası və Ərəb İslam Birlik Hərəkatı (Ra’am) cəmi 8 yer qanardı.

Sorğu bir çox partiyanın %3,25-lik hədd ətrafında, yəni Knessetə daxil olma şanslarını itirmək riski ilə üz-üzə olduğunu göstərir.

Sorğuda diqqət çəkən nəticələr:

Aviqdor Libermanın “Yisrael Beiteinu” (İsrail evimiz) Partiyası – 10 yer

“İfrat-pravoslav” Şas partiyası – 9 yer

İfrat-pravoslav Birləşmiş Tövrat Yəhudiliyi – 7 yer

Yair Lapid liderliyindəki “Yesh Atid” (Gələcək”) və Yair Golanın “Demokratlar Partiyası” – hər biri 7 yer

Qadi Eysenkot – “Yaşhar” və Itamar Ben-Gvir liderliyindəki “Otzma Yehudit” (Yəhudi gücü) partiyası – hər biri 5 yer

Bezalel Smotriçin liderliyindəki “Dini Siyonizm”, Benny Qantzın “Mavi və ağ”, “Ra’am”, “Hadash-Ta’al” – hərəsi 4 yer qazna bilərdi.

Yoaz Hendel liderliyindəki “HaMeluimnikim” və Fələstinin millətçi “Balad” partiyası seçim həddini keçə bilməzdi.

Bu nəticələr “Likud”un koalisiya qurmaq üçün kritik mövqedə olduğunu və Netanyahunun girov məsələsindəki uğurunun seçicilər tərəfindən müsbət qarşılandığını göstərir.