20:09 | 28 noyabr 2013 | Cümə axşamı
Məqaləyə 8773 dəfə baxılıb
Şriftin ölçüsü
«Araz» kursları bağlanmayacaq
Türkiyədəki radikal qərarın Azərbaycanda tətbiqi ciddi əks-effekt verər
İlkin Muradov, Virtualaz.org
MÖVZU İLƏ ƏLAQƏLİ
-
Yeni proqram hazırlanır
Azərbaycan Yüksəliş Partiyasında elm və təhsil adamları ilə görüş
-
Pedaqoji kadrlar hansı yolla seçilir?
Müəllimləri imtahan etməkdən öncə öyrətmək lazımdır
-
İqtisadi sektorda rəqəmsal transformasiya
Biznes və cəmiyyət üçün proqnozlar qurula biləcək məqamlar yetərli görünmür
-
“Ölkədə savadsızlıq tüğyan edir”
11-ci sinif buraxılış imtahanlarında 25 faiz şagird 50 balı aşa bilməyib
-
Xatirələrdə qalan oyuncaqlar
Uşaq yaradıcılıq müsabiqəsi
-
“29 sual səhv olub”
Təhsil Nazirliyinin rəsmisi müəllimlərin imtahanındakı texniki problemlərdən danışıb
-
Nazirliyin bağladığı "qara bazar"
Görün 300-500 manat ödəmədən uşağınızı bağçaya qoya bilirsinizmi?
-
Təhsil işçilərinin maaşı artdı
Prezident sərəncam imzaladı
-
1-ci sinfə qəbul qaydalar dəyişdi
Sənəd qəbulu ilə bağlı ən çox verilən 5 suala cavab
-
Müəllimlərə mənzil veriləcək
Təhsil işçilərinə üçün binanın tikintisinə start verildi
-
Vergilər Nazirliyində yeni təyinatlar
Mikayıl Cabbarov köhnə komandasını özü ilə apardı
-
Yeni təhsil naziri təyin olunub?
Birinci vitse-prezidentin köməkçisinin Təhsil Nazirliyinin rəhbərliyinə gətirildiyi deyilir
-
«Bir də gördüm hikkəylə girdi otağıma...»
Müəlliməyə intim təklif etdiyi deyilən direktor danışdı
-
Müdirin qisası
Bakıda məktəb direktorunun əxlaqsız təklifi müəlliməni işsiz qoydu
-
Nazirdən prioritetləri açıqladı
Hansı sahələr üzrə alimlərin hazırlanmasına ehtiyac var?
-
«Erməni lobbisinin ayırdığı qrant hesabına ...»
Tarix İnstitutu «Böyük Ermənistan» xəritəsi qalmaqalı barədə
Türkiyədə dərshanələr - universitetlərə özəl hazırlıq kursları yeni tədris ilindən olmayacaq. Baş nazir Rəcəb Tayyib Ərdoğanın partiyası - AKP-nin noyabr ayından etibarən hazırladığı qanun layihəsi bunu nəzərdə tutur.
Hökumətin planına görə, ali məktəblərdə hazırlıq üçün Türkiyədə çox geniş yayılan, az qala hər bir yuxarı sinif şagirdinin universitetlərə qəbul imtahanına azı 1 il qalmış getdiyi məktəbdənkənar hazırlıq kursları, o cümlədən əlavə istedad tələb edən kurslar qapadılacaq. Hökumətin məqsədi dərshanələrin bağlanması ilə orta məktəblərdə təhsilin keyfiyyətini artırmaqdır.
Xatırladaq ki, Türkiyədəki dərshanələrin nəzdindəki yurtların - yataqxanaların əksəriyyəti Amerikada yaşayan nurçu camaatın lideri Fətullah Gülənin davamçılarının nəzarətindədir. Bu hazırlıq kursları təkcə Türkiyədə deyil, dünyanın 130-dan çox ölkəsində fəaliyyət göstərir. Həmçinin Azərbaycanda da demək olar ki, ölkənin bütün böyük şəhər və rayonlarında da həmin hazırlıq kursları var. Onlar «Araz» kursu kimi tanınır.
Maraqlıdır ki, ölkəmizdə fəaliyyət göstərən və nəticələri ilə bütün orta məktəbləri qabaqlayan və Bakı (əsasən Sabunçu, Xətai rayonlarında), Sumqayıt, Zaqatala, Mingəçevir, Gəncə, Şirvan, Lənkəran, Şəki, Qax, Şamaxı, Naxçıvan və s. şəhərlərdəki «Araz» kursları da bu qərardan sonra bağlana bilərmi?
Türkiyədə qəbul olunan qərardan sonra həmin dərsanələrin bir növ Azərbaycandakı filialları sayılan həmin kursların da bağlanacağı ilə bağlı fikirlər səsləndirilir. Hətta həmin kurslara xəbərdarlığın edildiyi ilə bağlı məlumatlar da var.
Tanınmış təshil eksperti, «XXI əsr» Təhsil Mərkəzinin sədri Etibar Əliyev (Qasımoğlu) məsələ ilə bağlı fikirlərini virtualaz.org saytı ilə bölüşüb. Onun sözlərinə görə, bu kursların bağlanması indiki halda mümkünsüzdür: «Çünki bu kursların bağlanması üçün siyasi qərar da lazımdır. «Araz» kurslarının bağlanması da inandırıcı deyil. Çünki Azərbaycanda tanınmış kurslar var ki, onlar hakimiyyətdə yüksək vəzifə tutan şəxslərə məxsusdur. «Araz» kursları bağlansa, gərək həmin vəzifəli şəxslərin kursları da mütləq bağlansın. Bu kursların təşkilinə isə külli miqdarda pul xərclənib. Hazırkı kurslarda orta məktəblərdə dərslərini buraxıb orada çalışan müəllimlər var».
E.Əliyevin sözlərinə görə, Türkiyədəki radikal bir qərarın Azərbaycanda da tətbiq edilməsi ciddi şəkildə əks-effekt verə bilər: «Abituriyentlərin demək olar ki, hamısı deyir ki, mən «Araz», «Kaspi» kurslarında oxumuşam. Vətəndaşların əksəriyyəti seçim edərkən kurslara üstünlük verir. Kurslara binalar tikilməsi üçün xeyli vəsait ayrılıb, orada dərs deyən müəllimlər orta məktəblərdən daha çox maaş alır. Bu mənada onların bağlanacağı gözlənilən deyil».
Kursların bağlanmasını inandırıcı saymayan təhsil eksperti deyir ki, orta təhsil müəssisələrində təhsilin keyfiyyəti artırılmadığı halda sürətlə artan kurslar orta təhsili tamamilə məhv edə bilər: «Orta məktəblərdə təhsilin səviyyəsi artırılmalıdır. Amma Təhsil Nazirliyi bu istiqamətdə hələ ki, çıxış yolu tapa bilmir».
E.Əliyev onu da bildirdi ki, ölkədə fəaliyyət göstərən kursların artımı keçmiş təhsil naziri Misir Mərdanovun dönəmində geniş vüsət alıb.
«Araz» kurslarının bağlanması ilə bağlı xəbərdarlıq edilməsi iddialarına münasibət öyrənmək üçün «Bakı Araz kursları» təsisatı ilə də əlaqə saxladıq. «Araz» kurslarının mərkəzi ofisi sayılan «Bakı Araz kursları»ndan bildirdilər ki, səsləndirilən iddialar həqiqəti əks etdirmir: «Bu məsələ ilə bağlı Azərbaycanda fəaliyyət göstərən «Araz» kurslarına heç bir xəbərdarlıq edilməyib».
Təhsil Nazirliyindəki mənbələrdən əldə etdiyimiz məlumata görə isə «Araz» kurslarının bağlanması məsələsi gündəmdə deyil. Mənbə bildirir ki, Türkiyədə dərshanələrin bağlanması ölkədaxili məsələ olduğundan bunun xarici ölkələrdə fəaliyyət göstərən kurslara heç bir aidiyyəti yoxdur.
