“Apple”ın ən böyük montaj partnyoru “Foxconn” Hindistandakı “iPhone” fabriklərində çalışan 300-dən çox çinli mühəndisə evlərinə qayıtmağı əmr edib. Bu addım Çin hakimiyyətinin Cənubi Asiyaya texnologiya və işçi qüvvəsi transferini sərtləşdirmək istəyi ilə bağlıdır.

Qərar “Foxconn” və digər “Apple” tədarükçülərinin Hindistanda istehsalı artırmasından sonra qəbul edilib, çünki “Apple” Çin istehsalından asılılığını azaltmaq niyyətindədir.

“Apple”ın Hindistanda istehsal gücünü artırmaq cəhdi, texniki heyəti dəyişdikdə gözlənilməz sürprizlə üzləşdi. Tayvanda yerləşən elektronika istehsalçısı “Foxconn”un Hindistandakı “iPhone” istehsal müəssisələrindən yüzlərlə çinli mühəndisi geri çağırması prosesə mənfi təsir göstərə bilər. Bu addım Çin hakimiyyətinin Cənubi Asiyaya texnologiya və işçi qüvvəsi transferini sərtləşdirmək istəyi ilə bağlıdır.

Hindistandakı “iPhone” müəssisələrində “Foxconn” işçilərinin əksəriyyətini geri qayıtaması tələb olunan çinli işçilər təşkil edir ki, onları çıxdıqdan sonra az miqdarda Tayvanlı işçiləri qalır.

Bu addım “Foxconn” və digər “Apple” tədarükçülərinin Hindistanda istehsalı artırdığı bir vaxta təsadüf edir, çünki iPhone istehsalçısı öz aparatları üçün Çin istehsalından asılılığını azaltmağı hədəfləyir. Çinli işçilərin çatışmazlığı “iPhone 17”nin istehsal prosesi ilə üst-üstə düşür və bu, “Apple”ın istehsal cədvəlini gecikdirə bilər.

“Apple”ın CEO-su Tim Kuk, şirkətin ABŞ-dakı tariflər və ticarət riskləri ilə bağlı qeyri-müəyyənlikləri aradan qaldırmaq üçün Hindistandan daha çox “iPhone” idxal etdiyini söyləyib.

“Foxconn” hazırda Asiya, Avropa və Cənubi Amerikada qlobal istehlak elektronikası bazarının 40 faizini istehsal edən bir sıra fabrikləri idarə edir.