vaxtlı-vaxtında oxuyun! Şənbə, 14 dekabr 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Şah İsmayıl Xətai (1487 - 1524)

«Söz vardır kəsdirir başı,
Söz vardır kəsər savaşı»

Şah İsmayıl Xətai (1487 - 1524)
ENERGETİKA  
17:01 | 11 iyun 2019 | Çərşənbə axşamı Məqaləyə 714 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

İranlı “təhqir” adlandırdığı ticarət

Avropa ölkələri neftin əvəzində müxtəlif məhsullar təklif edir

MÖVZU İLƏ ƏLAQƏLİ

Almaniyanın Xarici İşlər Naziri Hayko Maas Tehranda səfərdə olan zaman İranla Avropa İttifaqı arasında ticari əməliyyatları davam etdirmək üçün nəzərdə tutulan maliyyə kanalından danışıb.

O, bu kanalın nə zaman işə düşəcəyini deməsə də, bunun çətin və mürəkkəb sistem olduğunu və Avropa tərəfinin bu istiqamətdə işləri davam etdirdiyini deyib.

Xatırladaq ki, “İnstex” adlanan bu maliyyə kanalı Amerikanın rəsmi Tehrana qarşı qəbul etdiyi sanksiyalardan yayınmaqla, İranla Avropa ölkələri arasında ticari əlaqələri davam etdirmək və bununla da İranın nüvə razılaşmasında qalmasını təmin etmək üçün yaradılmış sistemdir. Maliyyə kanalı adlanmasına baxmayaraq, onun iş prinsipi tamamən fərqli olacaq. Belə ki, İran Aİ ölkələrinə satdığı neftin qarşılığında pul deyil, müxtəlif məhsullar ala biləcək. Hansı ki, bu iranlı rəsmilərin etirazına səbəb olub və onlar bunu “təhqir” adlandırıblar. Eləcə də, avropalı rəsmilərin təşviq edici addımlarına rəğmən, Avropa şirkətləri də Amerika bazarını itirməmək üçün İranla bu kanal vasitəsilə ticari əlaqələr saxlamağa maraqlı deyil.

Tehranda olarkən nüvə razılaşmasından da danışan Almaniya XİN-in rəhbəri İranın bu razılaşmaya sadiq qalmasının onun özünün xeyrinə olduğunu deyib. Baxmayaraq ki, o, bu xeyrin nədən ibarət olduğunun detallarını açıqlamayıb.

Qeyd etmək lazımdır ki, Hayko Maasın İrana səfəri qarşılıqlı söz davaları ilə də müşayiət olunub. Belə ki, o, Tehrana gəlməzdən öncə Dubayda İranı nüvə və raket proqramını dayandırmağa çağırmışdı. İran Xarici İşlər Nazirliyinin sözçüsü Abbas Musəvi isə onun və digər avropalı rəsmilərin qeyd edilən xüsusda dedikləri sözlərə verdiyi reaksiyada “heç bir Avropa ölkəsinin nüvə razılaşmasına daxil olmayan məsələlər barəsində fikir bildirmək haqqının olmadığını” demişdi.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *