vaxtlı-vaxtında oxuyun! Bazar ertəsi, 14 oktyabr 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Seyid Cəfər Pişəvəri (1892 - 1947)

«Haqqı almaq asan bir işdir, onu saxlamaq şərtdir»

Seyid Cəfər Pişəvəri (1892 - 1947)
BÖHRAN  
11:25 | 1 avqust 2019 | Cümə axşamı Məqaləyə 395 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Zərif qara siyahıda

Tramp İrana olan ümidlərini itirdi

Şahin CƏFƏRLİ

MÖVZU İLƏ ƏLAQƏLİ

ABŞ İranın xarici işlər naziri Cavad Zərifi sanksiya siyahısına saldı.

C.Zərif bundan sonra ABŞ ərazisinə daxil ola bilməyəcək. Bu qərar Vaşinqton və Tehran arasında diplomatiya qapısının ən azı bu mərhələdə qapanması anlamına gəlir. Tramp ötən günlərdə gözlənilməz gediş edərək senator Rend Pola İran tərəfi ilə qeyri-rəsmi danışıqlar aparmaq üçün səlahiyyət vermişdi. R.Pol ABŞ-ın ənənəvi müdaxiləçi xarici siyasətinin qatı əleyhdarı olan, İran, Rusiya və digər bu tip rejimlərlə anlaşmağı zəruri sayan siyasətçidir. O, bir neçə gün əvvəl C.Zərif ilə görüşdü. Görünür, bu görüşdən sonra Tramp Tehranın hər hansı güzəştə getməyəcəyinə və bu ölkədəki "islahatçı" qanadın nəyisə dəyişdirmək gücündə olmadığına tam əminlik hasil edib. Beləliklə, R.Polun qısamüddətli sülh missiyası uğursuzluqla nəticələndi.

ABŞ-ın bu qərarı İran xarici siyasətində kompromissiz xəttin tərəfdarı olan mühafizəkarların mövqelərini daha da möhkəmləndirəcək.

Vaşinqtondan gələn başqa bir önəmli xəbər Rusiya və Qərbi Avropanın birgə layihəsi olan “Şimal axını 2” qaz boru kəmərinə qarşı sanksiyaları nəzərdə tutan qanun layihəsinin Senatın Beynəlxalq əlaqələr komitəsindən keçməsidir. (Lehinə 20, əleyhinə 2 səs.) Sənədin qanunlaşması üçün növbəti mərhələlər belədir: layihə Senatın ümumi yığıncağında qəbul olunduqdan sonra Nümayəndələr Palatasına göndəriləcək. Orada dişini qıcamış demokrat çoxluq bunu çoxdan gözləyir. Palatanın müvafiq komitəsində və ümumi toplantısında qəbul edildikdən sonra qanun layihəsi prezidentin təsdiqinə təqdim olunacaq.

Respublikaçıların liderlərindən biri Ted Kruzun həmmüəlliflik etdiyi sənəddə (digər həmmüəllif: demokrat C.Şahin (J.Shaheen)) “Şimal axını 2” layihəsini həyata keçirən hüquqi və fiziki şəxslərə sanksiyaların tətbiqi əksini tapıb. Layihəni həyata keçirən konsorsiuma OMV (Avstriya), “Engie” (Fransa), “Royal Dutch Shell” (Britaniya-Niderland), “Uniper” və “Wintershall” (hər ikisi Almaniya) şirkətləri daxildir. Boru kəmərini döşəyənlər isə İtaliyanın “Saipem” və İsveçrənin “Allseas” şirkətləridir. Bunlar dərin dənizlərin dibində boru xətti çəkmək üçün texnoloji imkanlara sahib tək-tük şirkətlərdir və demək olar ki, alternativsizdirlər. Sanksiyalar ilk növbədə bunlara şamil olunacaq ki, kəmərin çəkilişi dayansın.

Sanksiya qanunu qəbul olunub, prezident tərəfindən imzalanarsa, transatlantik münasibətlərdə gərginlik yaranacaq. Amma Tramp istəsə, Senatdakı respublikaçı çoxluğun lideri Makkonnel vasitəsilə layihənin qəbulunu ləngidə bilər.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *
 
 

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)