vaxtlı-vaxtında oxuyun! Bazar ertəsi, 27 iyun 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Rauf Denktaş (1924 - 2012)

«Biz milli və mənəvi dəyərlərimizi qorursaq, o dəyərlər də bizi qoruyacaq»

Rauf Denktaş (1924 - 2012)
DİGƏR NÖVLƏR  
09:27 | 20 iyun 2022 | Bazar ertəsi Məqaləyə 608 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

9 yarış, 7 podium, 6 qələbə

Yarışda yaddaqalan heç nə etməsə də, Lekler günün sürücüsü oldu

Rahim ƏLİYEV

MÖVZU İLƏ ƏLAQƏLİ

Mövsümün 9-cu yarışında 6-cı qələbə, 7-ci podium - digər iki yarışda isə fini görməyib: deyəsən, bu il Maks Ferstappen titulunu müdafiə edən azsaylı sürücülər siyahısına adını yazacaq.

Yarış darıxdırıcı idi, ötmələr minimum idi, amma Təhlükəsizlik Maşını son dövrələrdə gərgin mübarizə bəxş etdi “Formula 1” həvəskarlarına.

Təəssüf ki, Karlos Sayns ciddi bir hücum təşkil edə bilmədi - özü demişkən, sürəti (ya da cürəti) çatmadı. Yerinə Lekler olsaydı nə olardı – bu qeybi məsələdir və biz buna qarışmırıq).

“Mercedes” yenə də sübut etdi ki, iki top komandanın problemlərindən maksimum yararlanır - uzun fasilədən sonra Hamilton komanda yoldaşını üstələdi. Ümumiyyətlə, bu həftəsonu Luis sürətli idi - sonda da uzun müddət liderlərin tempində sürdü, hətta Lekler onlara çata bilmədi

Dünən qeyd etmişdim ki, Alonsonun barıtı barədə - bir atımlıq oldu: Okon da onu qabaqladı, sonra cərimə və yekunda yalnız 9-cu yer. Əvəzində “Alfa Romeo” 2 maşınla xal qazandı.

Günün sürücüsü Lekler seçildi – yarışda yaddaqalan heç nə etməsə də...