ABŞ-ın keçmiş prezidenti Donald Tramp iyulun 13-də məruz qaldığı sui-qəsd cəhdinin istintaqı çərçivəsində Federal Təhqiqat Bürosuna (FTB) ifadə verməyə razılaşıb. Büronun Pittsburqdakı ofisində məsul olan xüsusi agent Kevin Rojek bildirib ki, alınacaq ifadələr istintaq çərçivəsində cinayət qurbanları ilə standart prosedurdur.

“Associated Press” (AP) xəbər agentliyinə açıqlama verən Rojek, Trampın açıqlaması ilə bağlı “Onun müşahidə etdiyi şeylərə baxışını öyrənmək istəyirik” deyib.

Rojek Trampın ifadəsinin harada və nə vaxt alınacağı ilə bağlı məlumat paylaşmasa da, 20 yaşlı şübhəli Tomas Metyu Kruksla bağlı davam edən istintaqla bağlı yeni detallar verib.

Rojek indiyə qədər ortaya çıxan Kruks portretinin onun əsas sosial çevrəsinin olduğunu göstərdiyini ifadə edib. FTB Kruksu heç bir yaxın dostu və ya tanışı olmayan və sosial dairəsi ilk növbədə yaxın ailə üzvləri ilə məhdudlaşan tənha biri kimi təsvir edib. FTB bildirib ki, Kruks odlu silahla bağlı 25 və partlayıcı qurğuların istehsalı üçün istifadə edilən kimyəvi maddələrlə bağlı isə 6 alış etmək üçün şifrələnmiş proqramlardan istifadə edib. Kruksun internetdə kütləvi atışmalarla, elektrik stansiyalarıyla və əldədüzəltmə partlayıcı qurğularla maraqlandığını göstərən axtarışlar edib.

***

Rojek qeyd edib ki, yüzlərlə ifadəyə baxmayaraq, FTB hələ də atəşin səbəbi ilə bağlı dəqiq bir nəticəyə gələ bilməyib.

***

Rojek verdiyi açıqlamada Kruksun sui-qəsd cəhdindən bir saatdan çox əvvəl bir polis tərəfindən fərq edildiyini və hüquq-mühafizə orqanları ilə paylaşılmaq üçün şübhəlinin fotosunun çəkdiyini açıqlayıb. “Atıcının hüquq-mühafizə orqanları tərəfindən şübhəli şəxs olduğu müəyyənləşib”, – deyib. Polis məmuru fotonu digər hüquq-mühafizə orqanlarına göndərib. Təxminən 30 dəqiqə sonra SWAT komandası məsafəölçəndən istifadə edərək Kruksu görüb.

***

Rojek bildirib ki, Kruks yerli vaxtla saat 17:56 radələrində, hücumdan 20 dəqiqədən az bir müddət əvvəl bel çantası daşıyarkən görülüb və yerli vaxtla saat 18:08-də damda gedərkən polis maşınının kamerasına düşüb.

Tramp iyulun 13-də Pensilvaniya ştatının Butler şəhərində seçki mitinqində çıxış edərkən sui-qəsd cəhdinə məruz qalıb və sağ qulağından güllə yarası alıb. Hücum zamanı mitinqə qatılan 1 nəfər ölüb, 2 nəfər yaralanıb. ABŞ Məxfi xidməti snayperləri 20 yaşlı hücumçu Kruksu hadisə yerində öldürüb.