Mİ6-nın keçmiş rəhbəri Riçard Dirlavın sözlərinə görə, Vladimir Putinin “fundamental sağlamlıq problemi” var və bu parkinson xəstəliyi ola bilər.

1999-2004-cü illərdə Britaniya kəşfiyyat idarəsinin rəhbəri olmuş ser Riçard Dirlov deyib ki, onun Avropadakı mənbələri Putinin səhhətinin pisləşdiyinə inanır.

Bir fikrə görə, Rusiya prezidenti parkinson xəstəliyindən əziyyət çəkir, onun simptomları hallüsinasiyaları ehtiva edir. Ser Riçard deyib ki, bu, Putinin “paranoyası” və tanınmış müxalifətçi Aleksey Navalnının ölümünü izah edə bilər.

Bəyanat Putinin xərçəng xəstəliyinə tutulması və ya dublyordan istifadə etməsi kimi əsassız nəzəriyyələrlə son illərdə onun səhhəti ilə bağlı fərziyyələrdən sonra verilib.

Putinin səhhəti ilə bağlı suala Ser Riçard “LBC” radiosuna deyib: “Buna dəqiq cavabım yoxdur, amma Şərqi Avropada hələ də fundamental tibbi problem olduğunu düşünən tanışlarım və dostlarım var. Amma mən klinisist deyiləm”.

O, Putinin hansı xəstəliyin ola biləcəyinə də aydınlıq gətirib: “Yəqin ki, parkinson xəstəliyidir, əlbəttə ki, müxtəlif təzahürləri, müxtəlif varyasyonları, müxtəlif şiddətləri var. Amma əgər oğlan paranoyakdırsa və düşünürəm ki, Navalnının öldürülməsi müəyyən paranoyanı göstərə bilər, bu, əlamətlərdən biridir”.

Kremlin əzəli düşməni Navalnı hər dəfə iki həftəyə qədər təkadamlıq kamerada saxlandığı Arktika həbsxanasında öldü.

Onun ölümü bütün dünyada qəzəb doğurdu. Hətta İngiltərənin o vaxtkı xarici işlər naziri lord Devid Kemeron bəyanatında, “Aydındır ki, Rusiya hakimiyyəti Navalnıya təhdid kimi baxır və onu susdurmaq üçün dəfələrlə cəhdlər edib”, – demişdi.

Navalnı 2021-ci ilin yanvarında Moskvaya qayıtdıqdan sonra dəmir barmaqlıqlar arxasına salındı. Həmin tarixdən əvvəl o, Kremli günahlandırdığı “Noviçok”la zəhərlənmişdi və Almaniyada müalicə almışdı.

Ölkəsinə qayıtdıqda sonra keçən ilin sonunda o həbs olunaraq, “Arktika canavarı” kimi tanınan uzaq Arktika həbsxanasına köçürüldü və beynəlxalq ictimaiyyətin və Navalnının tərəfdarlarının onu susdurmağa cəhd etmək üçün uydurma olduğuna inandıqları ittihamlarla bir neçə müddətə azadlıqdan məhrum edildi”.

Navalnının ölümü Putinin asanlıqla yenidən seçiləcəyi gözlənilən prezident seçkilərindən bir ay əvvələ təsadüf etdi. Kreml Navalnının ölümündə hər hansı əli olduğunu inkar etdi.

Siyasi rəqibinin ölümündən sonra Putinin yeni nüvə bombardmançı təyyarəsi ilə uçduğu görüldü. Bu addım Qərb tərəfindən Ukrayna münaqişəsi səbəbindən Qərblə gərginliyin sürətlə artdığı bir vaxtda Rusiyaya nüvə gücünü xatırlatmaq məqsədi daşıyan addım kimi qiymətləndirildi.

Bu məsələyə toxunan Ser Riçard “LBC”yə deyib: “Putin həmişə öz mövqeyini qoruyur. Bu, onun xarakterinin bir hissəsidir və xəstəliyi ilə bağlı şayiələr, əgər xəstədirsə, xəstə olmadığını göstərən davranışını daha qabarıq edə bilər”.

Bu dəyişiklik deyil, onun həmişə etdiyi bir şeydir.