Trampın Zelenski ilə görüşündən sonra formalaşan Avropa baxışı Qitədə tamamilə böyük qorxulara və təlatümlərə səbəb olub. Hətta iş o yerə çatıb ki, Avropa demokratiyası ABŞ-ın Respublika demokratiyasına qarşı müharibə elan edib.

Trampa qəzəb artırdıqca Avropada anti-Amerika əhval-ruhiyyəsi yüksəlir.

Trampın Avropaya cəza tarifləri tətbiq etməsi, əraziləri ələ keçirmək və regionda hərbi dəstəyi çəkməklə hədələməsi, o cümlədən Ukraynadakı müharibəni idarə etməsi avropalı istehlakçıları qıcıqlandırıb, bütün qitə boyunca ABŞ məhsullarını boykot kampaniyaları güclənib.

“YouGov” şirkətinin keçirdiyi sorğuya əsasən, hazırda Avropada əhalinin yarısından çoxunun ABŞ-a müsbət münasibət bəslədiyi heç bir ölkə yoxdur.

Maraqlıdır ki, ABŞ-a nifrət rəqəmlərdə ortalama 50 faizi keçsə də, Danimarka və digər Şimali Avropada 70-80 faizə çatıb.

ABŞ-ın “fast-food” şəbəkələri, istehlak mallarına qarşı əməlli-başlı boykot kampaniyaları başlayıb.

İsveçin dövlət yayımı SVT üçün Verian tərəfindən aparılan sorğuya görə, İsveçlilərin təxminən 70 faizi siyasi etiraz forması olaraq Amerika məhsullarını almaqdan imtina edib və ya bunu düşünür.

Artıq məhsullara onun Avropa və ABŞ istehsalı olduğunu yazmağa başlayıblar. Kanadadakı boykotlarla sarsılan ABŞ şirkətlərinin sayı getdikcə daha uzaqlarda, Avropada da artmağa davam edir.

Avropalılar Trampın qisasını Elon Maskdan almağa başlayıblar. Keçən ay “Tesla”nın Almaniyada satışları 76 faiz azalıb, çünki Mask ölkənin sıx rəqabətli federal seçkilərində iştirak edən seçiciləri qəzəbləndirib. Avropada “Tesla” avtomobillərinin satışı yanvarda 45 faiz, fevralda isə 40 faiz azalıb.

Şənbə günü Londondan Berlinə qədər nümayişçilər “Tesla” əleyhinə qlobal etiraza qatılaraq Maskın demokratiyaya zərbə vurmasına görə onu cəzalandıracaqlarını deyirlər. Norveç ABŞ gəmilərinə yanacaq satmaqdan imtina da edib. “Amerikalılar üçün yanacaq yoxdur”.