Trampın sərəncamı ilə Dənizdə böyük bir hərbi dəniz gücü toplanmaqdadır. Hətta vaxtilə, Bin Ladeni dənizə atmış və ABŞ-ın gizli bombardmançıların daşıyan üçüncü təyyarə gəmisi də İrana qarşı nəhəng zərbə qüvvəsinə birləşir.

Masada dolaşan fikirlərə görə Tehran yeni nüvə sazişi imzalaya bilməsə, ABŞ və İsrail İrana qarşı böyük formada güc koordinasiya edərək zərbə endirməyi planlaşdırırlar.

Müttəfiqlər həm də deyirlər ki, son 18 ayda Yaxın Şərqi xaos içində qoyan, İsrailə hücumlar edən Tehran və onun proksi qüvvələrindən qisas almağa hazırlaşırlar.

Fransanın xarici işlər naziri bildirib ki, yeni nüvə razılaşması əldə olunmasa, müharibə demək olar ki, qaçılmaz görünür.

Ağ Ev isə İranla danışıqlara çalışır və eyni zamanda lazım olarsa, dəniz sərhədlərində cəbbəxana qurmaqla hərbi qüvvələrini gücləndirməyi də düşünür.

ABŞ Hərbi Dəniz Qüvvələri hazırlıq mərhələsindədir, bir zaman Usamə Bin Ladenin cəsədini – USS Carl Vinson təyyarədaşıyanından dənizə atmış gəmini – bölgəyə göndərərək bölgədəki donanma gücünü ikiqat artırır.

İranın husilərdən ibarət olan terrorçu müttəfiqlərini bombalamaqda mühüm rol oynayan USS Harry S. Truman də artıq yeni fəaliyyətə tam hazırdır.

Analitiklər hesab edirlər ki, digər bir təyyarədaşıyan “Carl Vinson” hazırda Cənubi Çin dənizindədir və aprelin 9-da Fars körfəzində peyda ola bilər.

Belə bir şəraitdə Amerika Dieqo Qarsiyada yerləşən bazasında  “B-2” gizli bombardmançılarının üçdə birini toplayıb.

Hava bazasının peyk fotoşəkilləri göstərir ki, Amerikanın “20 B-2” Spiritindən altısı indi birbaşa İrana yönəldilib və uçmağa hazırdır.

Ağır gizli bombardmançı təyyarələr yerin dərinliklərində yerləşən nüvə obyektlərində dərin müdafiə xətlərinə nüfuz etmək və onları məhv etmək üçün kifayət qədər böyük bombalar daşıya bilir.

Yeni peyk görüntülərində Dieqo Qarsiyadakı bazada altı Strat tankerinin – yanacaq dolduran təyyarəsini də görmək olar.

Bu təyyarələr “B-2 Spirit”ləri İrana uçmaq və bazaya qayıtmaqlarını (təxminən 2500 mil) təmin etmək üçündür.

Tehran isə bunun müqabilində yüksək səviyyəli iranlı generalın diliylə “onlar şüşə evdədirlər və daş atmamalıdırlar” deyə hədələməsi ilə ABŞ bazasına zərbə endirəcəyi ilə bağlı xəbərdarlıq edib.

İranın ali dini lideri Ayətullah Əli Xameneyi bazar ertəsi “Sionist varlıq və amerikalılar hər hansı bir düşmən hərəkəti etsələr, ağır və güclü zərbə alacaqlar”, – deməklə and içib.

Tramp İranla bağlı bildirib ki, yeni nüvə sazişini dərhal imzalamalıldır, əks halda o, nüvə əldə edəcək.

Onun yüksək ranqlı diplomatlarla birbaşa danışıqlar cəhdi iflasa uğrayıb və İran yalnız Omanın vasitəçiliyi ilə danışıqlara razılıq verib.

“Axios” xəbər verir ki, bəzi Ağ Ev rəsmiləri razılaşmanın mümkün olduğunu düşünsə də, digərləri dialoqun vaxt itkisi olduğunu düşünür.

Tramp isə belə bir nöqtədə özünü razılaşmaya üstünlük verməyə cəhd edən tərəf kimi göstərməyə başlayıb. ABŞ prezidentinin xəbərdarlığında deyilir ki, İran iki ay müddət ərzində razılaşma imzalamasa, müharibə olacaq.

Tramp, NBC-yə deyib ki, “İran vvvəllər heç vaxt görmədikləri bombalarla vurulacaq”.

Tramp həmçinin Husiləri gəmiçilik üçün təhlükə yarada bilməyəcək duruma düşənə qədər bombalamağa davam edəcəyini açıqlayıb: “Husilərin seçimi aydındır. ABŞ gəmilərinə atəş açmağı dayandırın, biz də sizə atəş açmağı dayandıracağıq.

Əks halda, biz yeni başlamışıq və həm Husilər, həm də İrandakı sponsorları üçün əsl ağrı hələ hiss ediləcək”.

Tramp əlavə edib ki, husilər martın 15-dən bəri amansız zərbələrlə məhv edilib: “ABŞ qüvvələri onları hər gün və gecə – daha sərt və daha sərt vurur”.

Pentaqon sözçüsü Şon Parnell, “ABŞ-ın bölgədə münaqişəni genişləndirmək və ya gərginləşdirmək istəyən istənilən dövlət və ya qeyri-dövlət aktoruna cavab verməyə hazırdır”, – deyib.

Tramp sanksiyaların yüngülləşdirilməsi müqabilində İran və dünya gücləri arasında Tehranın nüvə fəaliyyətlərinə ciddi məhdudiyyətlər qoyan 2015-ci ildə imzalanmış sazişdən ABŞ-ı geri çəkməsi də bir başqa mövzudur.

İranın əsl qorxulu və unutmadığı təcrübəsi var. Tramp birinci dönəmində Tehranla imzalanan nüvə anlaşmasından çəkildi və genişmiqyaslı sanksiyaları bərpa etdi. Bununla da rejimin iqtisadiyyatını çökdürdü. Bu da ölkədə daxili etirazlara və rejimin az qala devrilməsinə səbəb olacaq nəticələr yaratdı.

O vaxtdan bəri, İran uranın zənginləşdirilməsi ilə bağlı bu sazişin nəzərdə tutulan sərhədlərini çoxdan ötüb. Qərb dövlətlərinin mülki enerji proqramı üçün əsaslandırıla biləcəyindən xeyli yüksək və nüvə başlıqları üçün tələb olunan həddə yaxınlaşıb.

Bütün bunlara baxmayaraq İran nüvə silahı əldə etmək cəhdini inkar edir.