vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Rauf Denktaş (1924 - 2012)

«Biz milli və mənəvi dəyərlərimizi qorursaq, o dəyərlər də bizi qoruyacaq»

Rauf Denktaş (1924 - 2012)
MÜƏLLİF  
13:13 | 27 iyun 2017 | Çərşənbə axşamı Məqaləyə 2519 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Bazarlar uğrunda mübarizə...

... Rəqiblərdən sonra müttəfqilərlə münasibətlərdə də problem yaradır

Şahin CƏFƏRLİ

MÖVZU İLƏ ƏLAQƏLİ

Tramp bu həftə enerji mövzusunda vacib bəyanatlar verəcək.

ABŞ bu sahədə strategiya dəyişikliyinə gedir. Əgər son illərə qədər məqsəd xarici mənbələrdən asılılığa son qoyulması, enerji müstəqilliyinə nail olunması idisə, indi yeni hədəf qlobal enerji bazarında dominant mövqelər əldə edilməsidir. Bu hədəf respublikaçıların ötən il Klivlenddə Trampın namizədliyinin rəsmən elan olunduğu qurultayında açıqlanan seçki platformasının önəmli müddəalarından biridir. Orada bildirilir ki, ABŞ OPEC ölkələri və Rusiyanın malik olduğu ehtiyatların toplamından daha böyük enerji ehtiyatlarına (neft, qaz, kömür) malikdir və bunların istismarının önü açılmalıdır.

Artıq bu istiqamətdə mövcud olan məhdudlaşdırıcı normativ baza aradan qaldırılır. Tramp üçün ekologiya, ətraf mühit, iqlim dəyişikliyi kimi problemlərin önəmi yoxdur. İqlim dəyişikliyi məsələsinin ABŞ-ın inkişafını ləngitmək məqsədilə Çin və digər dövlətlər tərəfindən uydurulduğuna inanır. Bu səbəblə, indiki administrasiya dönəmində neft-qaz yataqlarının aqressiv istismarı, yeni yataqların hasilata açılması, kömür istehsalının artımı gözləniləndir. Bunun sayəsində ölkə daxilində yeni iş yerlərinin yaradılacağı, iqtisadi inkişafa əlavə stimul veriləcəyi, ixracın genişləndirilməsi nəticəsində isə xarici ticarətdə kəsirin azaldılacağı düşünülür.

ABŞ-ın bu siyasətinin dünya enerji bazarında qiymətlərə təsirini proqnozlaşdırmaq çətin deyil. Geosiyasi təsirlərə gəldikdə isə, əgər ötən dövrlərdə ABŞ enerji ilə zəngin bölgələrə nəzarət, nəql yollarının təhlükəsizliyi uğrunda mübarizə aparırdısa, indi bu sahədə mübarizə daha çox bazarlar uğrunda gedir və gedəcək. Maraqlı detal budur ki, bu mübarizə geosiyasi rəqiblərlə olduğu kimi, müttəfiqlərlə münasibətlərdə də problem yarada bilər və yaradır. Rusiya-Avropa Birliyi ortaq layihəsi olan «Şimal axını-2» layihəsinin timsalında bunu görmək olar. Növbəti yazıda bu mövzuya toxunmağa çalışarıq.


   

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)