Əvvəl NATO-ya, sonra AB-yə
İki ölkə arasındakı 28 illik mübahisəyə son qoyuldu
Şahin CƏFƏRLİ
MÖVZU İLƏ ƏLAQƏLİ
-
Ərini günahlandırdı
Qətər isə yunan millət vəkilinə rüşvət verilməsi barədə iddiaları yalanladı
-
Avropa İttifaqı qalmaqalı araşdırır
“Demokratiya hücuma məruz qalıb, cəmiyyətimiz təhlükədədir”
-
Rüşvət qalmaqalı səngimir
600 min avro nağd pul, bahalı hədiyyələr ...
-
Türkiyə düşməni həbs olundu
Avropa Parlamentinin vitse-prezidenti, yunan millət vəkili cinayət başında ifşa olundu
-
“Onu rənginə görə vurublar”
16 yaşlı yeniyetməni güllələyən polis hakim qarşısında
-
Dövlət Departamentindən “F-16” izahı
“Heç bir müttəfiqimiz Türkiyə qədər öz torpaqlarında terrora məruz qalmır”
-
Müxalifət lideri də dinlənilib
Yunanıstanın Dəyişiklik Hərəkatının lideri AİHM-ə müraciət edib
-
“Bir gecə, qəfildən ...”
Xarici işlər naziri Çavuşoğludan Yunanıstana sərt reaksiya: “Geri addım atmasa, lazım olanı edəcəyik”
-
“Hara getsək arxamızca qaçır”
“Çavuşoğlu Dendiası ələ saldı” başlığını manşet edən yunan mətbuatı Akarın Bakı səfərindən də yazıb
-
Rütbəli quldur ...
Yunanıstanda bank soymaq istəyən quldurun kimliyi şok yaratdı
-
Dinləmə skandalında yeni iddia
Qalmaqalda baş qərargah rəisi və bir generalın adı hallandı
-
NATO qatarı reysdən çıxdı
Xoşbəxtlikdən tələfat və itki yoxdur
-
İtaliyalı diplomata hücum
Afinada səfirlik işçisinin avtomobilini yandırdılar
-
Orduya güvən 50 faizin altında
ABŞ ictimaiyyəti Əfqanıstandan çıxmanı inamsızlığın ən böyük səbəbi sayır
-
“Patriot” müzakirələri
NATO Ukraynaya HHM sistemlərini danışarkən Rusiyadan təhdid özünü yetirdi
-
“Putinin strategiyası işə yaramadı”
Bıinken: “Milyonları soyuğa və qaranlığa sürüklədi”
Makedoniyanın adının dəyişdirilməsi prosesi yekunlaşdı. Yunanıstan parlamenti ötən cümə günü iki ölkə arasında 2018-ci ilin iyununda imzalanmış Prespa anlaşmasını ratifikasiya etdi, beləliklə, 28 illik mübahisəyə son qoyuldu, Makedoniyanın – yeni adı ilə Şimali Makedoniya Respublikasının - NATO və Avropa Birliyinə üzvlüyü yolundakı maneə aradan qaldırıldı. Makedoniya əvvəlcə NATO-ya, sonra AB-yə qəbul ediləcək.
Rusiya Balkan yarımadasının qərbində NATO-nun yeni genişlənmə dalğasına müqavimət göstərmək istədi, əvvəlcə Monteneqroda çevrilişə və baş nazir Cukanoviçə sui-qəsd cəhdi baş verdi. Alınmadı və Monteneqro NATO-ya qəbul edildi. Sonra Moskva Makedoniyada yeni, qərbyönlü hökumətin qurulmasını əngəlləmək istədi, parlamentə hücum təşkil olundu və albanlarla anlaşıb çoxluq formalaşdıran sosial demokratların lideri Zoran Zayev döyüldü. Makedon millətçilərini qızışdırıb, onları ad dəyişikliyinə qarşı müqavimət göstərməyə sövq etdilər. Yenə alınmadı. Yunanıstanda bəzi yüksək vəzifəli dövlət məmurlarını, Afon dağındakı pravoslav din xadimlərini satın aldılar və ya yönləndirdilər, millətçi qüvvələrlə işlədilər, ad dəyişikliyinin parlamentdən keçməməsi üçün çalışdılar. Yenə baş tutmadı. Təbii ki, adı çəkilən 3 ölkənin heç biri Rusiyaya təkbaşına müqavimət göstərmək gücündə deyil, bütün bu proses boyu Rusiya kəşfiyyatının fəaliyyətini ABŞ və Avropa kəşfiyyatları yaxından izləyirdi və yerli hökumətlərə lazımi məlumatları çatdırırdı.
Makedoniya 2 milyon əhaliyə, 25 min kv. km əraziyə malik, dənizə çıxışı olmayan balaca ölkədir. Ayrıca götürülmüş halda yanaşdıqda onun önəmini anlamaq mümkün olmaz, ona görə də məsələyə bütövlükdə Qərbi Balkanların qlobal geosiyasətdəki rolu kontekstində baxılmalıdır. Bura Çinin “Bir qurşaq, Bir yol” qlobal strategiyasının Avropaya giriş nöqtəsidir. Çin bu layihə çərçivəsində Yunanıstandan Mərkəzi Avropaya avtomobil magistralı çəkmək niyyətindədir və Yunanıstandakı iqtisadi böhrandan yararlanaraq 2016-cı ildə bu ölkənin Egey sahilindəki Pirey limanını satın alıb. (O zaman hələ ABŞ-ın Çini durdurmaq planları yox idi, bu məsələ 2017-ci ilin dekabrında elan olunan yeni milli təhlükəsizlik strategiyasında əksini tapdı.) Yunanıstandan Avropanın mərkəzinə doğru ən qısa quru yolu Makedoniyadan keçir. Rusiyanın “Türk axını” qaz kəmərinin Türkiyədən Avropaya uzadılması üçün müzakirə olunan marşrutlarından biri də Makedoniya ərazisidir. İndi Avropa Birliyi Qərbi Balkanları öz içinə almaq istəyir ki, bütün bu məsələlərdə söz sahibi olsun.
Ümumən Qərb maraqlıdır ki, bu coğrafiya Çin, Rusiya və digər oyunçuların (məsələn, Türkiyə) təsir zonalarına bölünməsin.
Makedoniyadan sonra NATO-ya qəbul sırası Bosniya-Herseqovinaya çatacaq. Bu ölkənin ittifaqa üzvlüyü Serbiya ətrafındakı həlqəni tamamlamış olacaq və Rusiyanın regiondakı yeganə müttəfiqi hər tərəfdən NATO məkanı ilə əhatələnəcək. Serbiya əlbəttə ki, bu perspektivi görür, bu səbəblə Rusiya ilə yaxın əlaqələrini saxlamaqla yanaşı, NATO və AB ilə də yaxından əməkdaşlıq edir. Belqrad NATO ilə Fərdi Tərəfdaşlıq Planı (IPAP) imzalayıb və ittifaq qüvvələrinin ölkə ərazisində hərəkətinə icazə verib. Yaxın gələcəkdə Serbiyanın NATO-ya olmasa da, AB-yə üzvlüyü şübhə doğurmur, bu zaman Kosovo məsələsi də öz həllini tapacaq və böyük ehtimalla Belqrad tərəfindən müstəqil dövlət kimi tanınacaq. Serbiyanın avrointeqrasiyasından sonra Rusiya Balkanlardan birdəfəlik çıxarılmış olacaq və növbə postsovet məkanına çatacaq.