vaxtlı-vaxtında oxuyun! Bazar, 3 iyul 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Şah İsmayıl Xətai (1487 - 1524)

«Söz vardır kəsdirir başı,
Söz vardır kəsər savaşı»

Şah İsmayıl Xətai (1487 - 1524)
DİGƏR NÖVLƏR  
02:48 | 8 may 2022 | Bazar Məqaləyə 887 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Möhtəşəm ikili

“Red Bull” isti traslarda “qanadlandırmır”

Rauf HACIYEV

MÖVZU İLƏ ƏLAQƏLİ

“Ferrari” sabahkı yarışa ilk cərgədən başlayacaq. Komanda 2019-cu ildə Meksikadakı qran-pridən sonra ilk dəfədir tam heyətlə birinci cərgədən start alacaq. Əla başlanğıcdır, amma trayektoriyadan kənar hissədə asfaltla ilişmə zəifdir və bu da Saynsın startına ona problem yarada bilər. Yenə də Ferrari üçün əla nəticədir. Xüsusən də, İmolada çox çətin keçən yarışdan sonra.

“Red Bull”a gəldikdə isə Maks, bəlkə də, poulu əldən verdi. Komanda indiyə kimi isti olan iki trasda problem yaşayıb və yarışı bitirə bilməyib. Mayami də istidir. Sabah da mübarizəni dayandırarlar? Görəcəyik.

“Mercedes” dünən güclü görünürdü, amma bu gün yenə bacarmadılar. Hamilton bu cür çətin şəraitdə Rasseli qabaqladı və boş yerə yeddiqat DÇ olmadığını göstərdi. İmolada zəif çıxış eləmişdi, amma hər pilotun zəif yarışı ola bilər. 

Günün bəxtsizi yenə Alonso idi. Sürətli dövrəsində Sayns ona mane oldu. Ümumilikdə ilk dördlük “Q2”nin sonunda niyə trasa çıxır? Onsuz da “Q3” “cibinizdədir”. Niyə trasa çıxıb trafik artırırsınız?

Daniel Rikkardoya gəldikdə isə... Məncə, artıq bitirməlidir. Ya da “McLAren”dən getməlidir. Əyləcin bəhanəsi bu qədər olmaz. Ya “F1”dən getsin ya da “McLArendən”.

Günün adamı Valtteri Bottasdır. Adam “Mercedes”ə yerini necə lazımdır göstərir. Çünki pilotun haqqı neçə illər orada boş yerə xərcləndi. Valtteri “Alfa Romeo”da öz savaşçı ruhunu yenidən qazanıb.

Qeyd: “Formula 1”in pilotların bazar günü keçirilən Qran-pridəki yerləşmə sıralanması üçün şənbə günləri günü 3 hissədən (“Q1”, “Q2” və “Q3”) ibarət kvalifikasiya yarışı keçirilir. “Q1” 18 dəqiqə çəkir. 7 dəqiqə fasilədən sonra 15 dəqiqə sürən “Q2” gəlir. 8 dəqiqəlik fasilədən sonra isə sonuncu 12 dəqiqə davam edən “Q3” hissəsi gəlir. Kvalifikasiyanın hər hissəsində ən sürətli dövrə qeydə alınır. Sürücülər bu 3 hissə ərzində istədikləri qədər dövrə vura bilərlər.