vaxtlı-vaxtında oxuyun! Bazar ertəsi, 27 iyun 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Mustafa Kamal Atatürk (1881 - 1938)

«Uca Türk, sənin üçün yüksəkliyin hüdudu yoxdur»

Mustafa Kamal Atatürk (1881 - 1938)
DİGƏR NÖVLƏR  
19:48 | 11 iyun 2022 | Şənbə Məqaləyə 733 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Növbəti ilk əldən çıxdı

Lekler ipini qıran öküz kimi idi

Rauf HACIYEV

MÖVZU İLƏ ƏLAQƏLİ

Bakıda növbəti ilkin yaşanması yaxın idi, amma Karlos Sayns yenə də lazım olan vaxtda lazımsız səhv edərək, özü üçün bir ilkin qarşısını aldı. Karyerasının ilk poulu heç nədən getdi.

Şarl Lekler hara baxsaq, poula layiq idi. Bu gün ipdən buraxılan öküz kimi idi. Hətta, ilk cəhddən sonra qaraja qayıtma sürəti onun hirsini göstərirdi. İlk dəfə Bakıda bir pilot ikiqat poul qazanan oldu.

Ümumilikdə bugünkü sıralanma turu mənə 2000-ci il Yaponiyanı xatırlatdı. Orada da Hakkinenlə Şumaxer 0.007 zaman üçün son limitlərdə sürürdülər. Bu gün də Lekler və Ferstappen limitlərdə sürmək üçün divarları öpə-öpə gedirdilər. 

“Red Bull” komandasına keçək. Artıq ardıcıl ikinci dəfədir ki, Peres Ferstappeni sıralanma turunda qabaqlayır. Peresin vahid dövrə pilotu olmadığını düşünsək, tezliklə “Red Bull”dan od fışqıra bilər. Peresdə özünə inam əmələ gəlib. Qalır komandanın buna qarışmamasına. 

Günün adamı isə Fetteldir. Bizim trasda bizim bilmədiyimiz nəyisə bilir.

Bakıda növbəti bir ilk də yaşandı. Çjou ilk dəfə Bottası sıralanma turunda qabaqladı. Çinlilər bundan sonra Bakını unutmaz.

Sabahkı yarışda hər şey Leklerin təkər istifadəsindən və “Ferrari”nin strategiyasından asılı olacaq.