vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Mustafa Kamal Atatürk (1881 - 1938)

«Milli mənliyini itirmiş cəmiyyət, başqa millətlər üçün ovdur»

Mustafa Kamal Atatürk (1881 - 1938)
CƏMİYYƏT  
15:18 | 29 iyul 2013 | Bazar ertəsi Məqaləyə 2655 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Elə qızlar var ki, oğlanları ...”

Hadı Rəcəbli cəmiyyətin həssas mövzusundan sərt danışdı

Gültəkin ƏLƏSGƏR, modern.az

MÖVZU İLƏ ƏLAQƏLİ

Əvvəllər qız qaçırmaq dəbdə idi, indisə deyəsən, tam tərsinədir - qızlar oğlan qaçırmağa “başlayıb”. Elə bir müddət öncə baş verən “oğlan qaçırma” olayına sadə adamdan tutmuş, ziyalıya kimi hamının marağına səbəb oldu. Belə bir hadisə ölkədən kənarda, tutalım, hansısa Avropa ölkəsində baş versə idi, bəlkə də bu qədər səs-küyə səbəb olmazdı. Amma Azərbaycan reallığında bir qızın oğlan qaçırması adət-ənənəyə qarşı çıxmaq kimi qarşılandı.

Artıq bir ilk var. Bundan sonra ikinci belə hadisə baş versə, yəqin ki, artıq normal qarşılanacaq.
Milli Məclisin Sosial siyasət komitəsinin sədri Hadi Rəcəbli Modern.az-a açıqlamasında deyib ki, əvvəllər qız qaçırma adəti var idi. Hətta valideynlərin maddi imkanı olmayanda buna könüllü razılıq verirdilər. “Zaman dəyişib, formalar dəyişib. Avropaya inteqrasiya etməyə başlamışıq, Türkiyə modeli gözümüzün önündədir.
Qaçırma məsələsi Azərbaycanda demək olar ki, yoxdur. Qızın oğlan qaçırmasını isə sensasiya ediblər. Bu da o qaçırmadan deyil ki, qızın qolunu-qıcını bağlayıb maşına, ata mindirib qaçırsınlar”. Hadı Rəcəbli Avropa təcrübəsini misal gətirərək bildirdi ki, insanların əksəriyyəti vətəndaş nikahında yaşayırlar. Ona görə də Azərbaycanda baş verən ilk və son olay kütləviləşə bilməz. “Avropaya diqqət yetirək. Orada vətəndaş nikahı üstünlük təşkil edir. İki gənc bir-birini sevirsə, rəsmi nikaha girmədən belə birlikdə yaşayırlar. Bu yaxınlarda Venesuelanın prezidenti Nikolas Maduro nikahını rəsmiləşdirdi. Məsələn, Fransanın prezidenti Holland da həyat yoldaşı ilə rəsmi nikahda deyil. Yəni bu hallar dünyada mövcuddur. Qaçırma deyilən məfhum indi formasını dəyişib. Qızlar da oğlanlar da dilli-dilavər olublar. Zaman dəyişib, oğlan qızı, qız oğlanı bəyənirsə, qaçırmağa ehtiyac yoxdur, bir yerdə yaşayırlar. Bu gün də elə qızlarımız var ki, oğlanla bir yerdə sərbəst yaşayırlar sonra bir başqasına ərə gedirlər”.