ABŞ, Böyük Britaniya və Türkiyənin silah şirkətləri, ölkələri Brüssellə müdafiə və təhlükəsizlik müqavilələri imzalamadığı təqdirdə, Avropa Birliyinin (AB) yeni 150 milyard avroluq müdafiə fondundan çıxarılacaq.

Bu barədə Böyük Britaniyanın “The Financial Times” qəzetinin məlumat yayıb.

“Rəsmilər, Avropa Birliyi ölkələrinin silah xərcləri üçün planlaşdırılan fondun yalnız AB müdafiə şirkətləri və birliklə müdafiə müqavilələri imzalayan üçüncü ölkələrin müdafiə şirkətləri üçün açıq olacağını söylədi”, – qəzet xəbər verir.

Rəsmilər həmçinin üçüncü ölkənin “dizayn səlahiyyətinə” (müəyyən komponentlərin tikintisinə və ya istifadəsinə məhdudiyyətlər) və ya onların son istifadəsinə nəzarətə malik olduğu qabaqcıl silah sistemlərinin də fonddan xaric ediləcəyini söyləyib.

Bu siyasət ABŞ-ın müdafiə tərəfdaşı və təchizatçısı kimi uzunmüddətli etibarlılığı ilə bağlı narahatlıqlar fonunda qitənin müdafiə investisiyalarına “Avropalı satın al” yanaşmasına çağıran Fransa və digər ölkələr üçün əsas dönüş nöqtəsidir.

Rəsmilər, ABŞ, İngiltərə və Türkiyə kimi üçüncü ölkələrin təşəbbüsə qoşulmaq istədikləri təqdirdə AB ilə müdafiə və təhlükəsizlik ortaqlığı imzalamalı olduqlarını bildiriblər.

Belə bir razılaşma ilə bağlı London və Brüssel arasında danışıqlar başlayıb, lakin balıqçılıq hüquqları və immiqrasiya kimi mübahisəli məsələləri əhatə edən daha geniş AB-Böyük Britaniya razılaşması tələbləri ilə dayandırılıb.

Böyük Britaniya və Türkiyənin kənarda qalmasının bu bazarlarda istehsalçı və ya tədarükçülərlə sıx əlaqələri olan böyük Avropa müdafiə şirkətləri üçün böyük çətinliklər yaradacağı bildirilir.