Çinin Yunnan əyalətinin şimal-şərqində iki nəhəng dağ arasında az qala sıxışdırılmış qeyri-adi şəhər var. Yanjin, eni cəmi bir neçə metr olan və yerlərdə 30 metrə qədər dar alan quruluşu ilə "dünyanın ən dar şəhəri" olaraq tanınır.

Yanjin dağlarla çay arasında yerləşdiyi üçün üfüqi genişlənməyə icazə vermir. Bu səbəbdən əhalisi təxminən 400 min olan şəhər sakinləri şaquli tikintiyə üstünlük veriblər. Nəticə bir-birinin üstünə yığılmış evlər, mağazalar və ictimai binalardan ibarət şəhərin unikal quruluşu var

Bəzi küçələr o qədər dardır ki, yalnız iki nəfər yan-yana keçə bilir. Çayın iki sahili nazik körpülərlə birləşir. Binaların bəziləri birbaşa dağ yamaclarına yapışıb, bir-biri ilə üzbəüz dayanan tikililər çayın hər iki tərəfindən bir-birinə baxır.

***

Yanjinin adı o qədər də tanınmasa da, onun tarixi əhəmiyyəti kifayət qədər böyükdür. Qədim Cənubi İpək Yolunun üzərində yerləşməsi şəhəri öz dövründə strateji bir qapıya çevirib. “Siçuan və Yunnan qapısı” kimi də tanınan şəhər əsrlər boyu ticarət yollarında mühüm dayanacaq olub.

Yanjindəki yolların çoxu nəqliyyat vasitələri üçün çox dardır, buna görə də insanlar nəqliyyat üçün adətən piyada, motosiklet və ya velosipeddən istifadə edirlər. Evlər xüsusilə daşqın riskindən qorunmaq üçün qaldırılmış sütunlar üzərində tikilir. Nanxi çayı yağışlı mövsümdə qabararaq şəhərin aşağı hissələrini təhdid edir. Dik yamaclar da sürüşmə təhlükəsi yaradır.

Şəhərdə həyat əsasən özünü təmin edir. Balıqçılıq, kiçik əkinçilik və sənətkarlıq hələ də əsas gəlir mənbələri arasındadır. Şəhərin mərkəzində yer qalmadığından bir çox insan kənarda kiçik torpaq sahələrində əkinçilik və ya heyvandarlıqla məşğul olur.

Dünyanın 197 ölkəsini gəzmiş “YouTuber” Dryu Binski səhər haqqında, “Mən öz təbii mühitinə bu qədər yaxşı uyğunlaşan başqa bir şəhər görməmişdim. Hər qarışı diqqətlə istifadə olunub. Dağlarla əhatə olunmuş bu kiçik ərazi həm vizual olaraq heyranedicidir, həm də yaşayış baxımından son dərəcə çətin görünür. Bu, həqiqətən də valehedicidir".