Makkeyninin davamçısına vacib vəzifə
MKİ-nin əməkdaşı xüsusi nümayəndə oldu
Şahin CƏFƏRLİ
MÖVZU İLƏ ƏLAQƏLİ
-
Yüzillərin iddiası pozuldu
Süni intellektdən kriminalistikaya zərbə
-
“Bizə kömək edin”
ABŞ bank sektorunda zərərlər və yaranmış vəziyyət
-
ABŞ bank sistemində təlatüm
Üç bank özünü iflas elan etdi, kriptovalyuta bazarı silkələnəcək
-
Putinin “inanclı atəşkəsi”
Aysberqin görünməyən tərəfi
-
Bir milad yazışması
Ukrayna xalqı ən müqəddəs bayramını ruslarla bir gündə qeyd etmək istəmir
-
Azərbaycanlı “Qurd”
VIP mühafizəçidən “Dəniz piyadası”na qədər
-
Kennedi qətlinin müəmması
ABŞ administrasiyası minlərlə yeni sənəd dərc edib
-
“Bu, şübhəsiz ki, olacaq...”
Baydendən yeni bəd xəbər ...
-
Ukraynaya “ağıllı bombalar”
Müharibənin taleyini həll edəcək ikinci həmlə
-
Qan donduran “zarafat”
Duma deputatının dediklərinə görə hətta ruslar da utandılar
-
Belarus müharibəyə qoşulur?
“Qırmızı kvadrat”la işarələnmiş zirehlilərin görüntüləri yayılıb
-
“Yeni nüvə təhlükəsi”
Putin “Patriot” raketləri xəbərlərinə YARS-la cavab verib
-
Jurnalist qətlləri çoxalıb
Keçən illə müqayisədə 45 faiz artım var
-
Aİ Macarıstanın “saqqızını oğurladı”
Rəsmi Budapeşt 5,8 milyard qrant qarşılığında Ukraynaya nəzərdə tutulan yardıma hə dedi
-
70 faiz istəmir
Bayden nüfuzdan düşməkdə davam edir
-
Ukraynaya Patriot göndərilir
Qərar ABŞ müdafiə naziri və prezidentinin təsdiqlərini gözləyir
ABŞ dövlət katibi Tillerson Ukrayna üzrə xüsusi nümayəndə təyin edib. Bu missiya üçün seçilən şəxsin kimliyi ABŞ-ın hazırkı administrasiyasının yaxın dövrdə Ukrayna ilə bağlı siyasəti barədə fikir yürütməyə əsas verir. Xüsusi nümayəndə vəzifəsinə ABŞ-ın NATO-dakı keçmiş səfiri, Mərkəzi Kəşfiyyat İdarəsinin (CİA) sabiq əməkdaşı, Arizona Universiteti nəzdində beynəlxalq liderlik üzrə Makkeyn İnstitutunun direktoru Kurt Volker təyin edilib.
Bu təyinat faktının özü ABŞ-ın Ukrayna məsələsinə verdiyi önəmin göstəricisidir, çünki Tramp seçiləndə belə fikirlər var idi ki, Ukrayna, Gürcüstan, ümumiyyətlə, postsovet məkanı onu maraqlandırmır və bu region Putinlə bazarlıqda ona güzəştə gediləcək. (Bəlkə də Tramp şəxsən özü bu düşüncədə idi, lakin ABŞ-da prezident heç də hakimi-mütləq deyil. Trampa lazımi «korrektirovka» verildi və verilir.)
K.Volker yüksək profilli diplomat olmaqla bərabər, Rusiyaya münasibətdə kifayət qədər sərt mövqeyi ilə tanınır. (Con Makkeyn xətti.) O, Ukraynaya müasir silahlar verilməsi və gələcəkdə bu ölkənin NATO-ya üzv qəbul edilməsinin tərəfdarıdır. Yeri gəlmişkən, iyulun 9-da NATO baş katibinin rəhbərliyi ilə ittifaqın qərarverici orqanı – Şimali Atlantika Şurasının üzvləri Ukraynaya səfər edəcək. Kiyevdə Ukrayna-NATO Komissiyasının toplantısı keçiriləcək və alyansın yeni ofisi açılacaq. Eyni gün ABŞ dövlət katibi Reks Tillerson da Kiyevdə olacaq. Yaxın həftələrdə ABŞ müdafiə naziri Mattis də Ukraynaya səfər edəcək və iki ölkə arasında hərbi əməkdaşlıq haqqında sənəd imzalanacaq.
İyulun 31-də isə ABŞ-ın vitse-prezidenti Mayk Pens Gürcüstana səfər edəcək, rəsmi görüşlərdən əlavə ABŞ (NATO) - Gürcüstan birgə hərbi təlimlərini izləyəcək.
Gürcüstan və Ukraynanın avroatlantik təşkilata (NATO) inteqrasiyasında ciddi sürətlənmə göz önündədir. Vaşinqtonun postsovet məkanını Rusiyanın nüfuz dairəsi kimi tanımayacağı da ortadadır. Ukrayna və Gürcüstan öz yolunu seçib və artıq tunelin ucunda işığı görməyə başlayıblar. Biz isə hazırda tamamilə dalana dirənmişik və vurnuxuruq...