vaxtlı-vaxtında oxuyun! Cümə axşamı, 21 noyabr 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Mustafa Kamal Atatürk (1881 - 1938)

«Uca Türk, sənin üçün yüksəkliyin hüdudu yoxdur»

Mustafa Kamal Atatürk (1881 - 1938)
AMERİKA  
11:02 | 25 fevral 2019 | Bazar ertəsi Məqaləyə 480 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Dünya kapitalı ABŞ-a axır

Qərb iqtisadiyyatına maraq onun dövlət borcunu getdikcə artırır

MÖVZU İLƏ ƏLAQƏLİ

ABŞ Prezidenti Donald Tramp hakimiyyətə gəldikdən sonra bu ölkənin dövlət borcu 2 trilyon dollar artaraq 22 trilyon dollara çatıb. Paralel olaraq ABŞ-ın dövlət büdcəsinin kəsiri də artmaqdadır.

2018-ci ilin yekununda sözügedən göstəricinin 779 milyard dollar təşkil etdiyi bildirilir ki, bu da ötən il ABŞ-da istehsal olunmuş ümumi daxili məhsulun (ÜDM) dəyərinin 3,8 faizi qədərdir. Bu, 1950-ci ildən bəri rekord hədd olmaqla 2017-ci illə müqayisədə 0,3 faiz bəndi çoxdur.

ABŞ-ın dövlət borcu daha çox bu ölkənin dövriyyəyə buraxdığı xəzinə istiqrazları hesabına artır. Müxtəlif ölkələrdən olan investorlar 2 və 10 il müddətli bu borc alətlərinə həvəslə pul qoyurlar və yatırımlarını getdikcə artırırlar.

Hazırda ABŞ-a ən çox “borc vermiş” ölkələrə Yaponiya liderlik edir. Bu ölkənin investorları 1 137 milyard dollarlıq istiqraz alıb. Növbəti yerlərdə Çin (1 116 milyard dollar), İrlandiya (271 milyard dollar), Kayman adaları (262 milyard dollar), Braziliya (255 milyard dollar), İsveçrə (235 milyard dollar), Lüksemburq (216 milyard dollar), Böyük Britaniya (207 milyard dollar), Tayvan (189 milyard dollar), Honq-konq (186 milyard dollar), Hindistan (123 milyard dollar), Belçika (117 milyard dollar), Sinqapur (99 milyard dollar), Səudiyyə Ərəbistanı (97 milyard dollar) və Almaniya (94 milyard dollar) qərarlaşıb.

Sirr deyil ki, qiymətli kağızlar bazarının iştirakçıları ABŞ iqtisadiyyatına böyük maraq göstərirlər. Səbəbləri çox sadədir. Bir tərəfdən ölkənin reytinqi kifayət qədər yüksəkdir. Məsələn, “Standard & Poor's” beynəlxalq reytinq agentliyi ABŞ-a “AA+” reytinqi verib. Bundan başqa, ABŞ-ın Federal Ehtiyat Sistemi (FED) uçot dərəcəsini getdikcə artırır. Bu da istər-istəməz dolların dünyadakı mövqeyini gücləndirir və investorları inkişaf etməkdə olan ölkələrin kapital bazarlarından ABŞ-ın kapital bazarına yönəlməyə vadar edir.

Böyük məbləğdə pul sahibləri ABŞ iqtisadiyyatına yatırım etməklə həm faizlər şəklində gəlir əldə edirlər, həm də aldıqları qiymətli kağızlar getdikcə bahalaşır. Odur ki, ABŞ-ın dövlət borcu artmaqda davam edəcək və bu ilin sonuna azı 23 trilyon dollara çatacaq.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *