

Çin ABŞ-ı hədələdi: “Qanuna qarşı tədbirlər görüləcək”
ABŞ Suriyadakı mövqelərini Türkiyəyə verir?!
Rusiya Paşinyanın qarşıdakı ABŞ səfərinin önəmini sıfırlayır; cücələr” oktyabrda sayılacaq
Apreldə 80 dollara yaxınlaşan qiymətlər, avqustda 60-ın altına düşdü
“Sülh qarşılığında sülh, müharibə qarşılığında müharibə, neft qarşılığında neft”
“CAATSA” qanununa görə tətbiq olunan sanksiyalara daha bir ölkə qoşulur?
Birləşmiş Ştatlar Cənubi Qafqazda yeni geopolitik tərtibə başlayır
Vaşinqton Yaxın Şərq taktikasını dəyişməyə məhkum olub
Prezident seçkilərində respublikaçıların təkrar qələbəsinə təhlükə yaradan təbəqə
ABŞ silahlanma üzərində nəzarətin “yeni dövrü”nün gəldiyini bildirir
Ticarət müharibəsi dağıtmaqda davam edir
Vaşinqton Ankaranın səbrini tükəndirib
Epşteyn həbsdən qurtarılmasa, təkcə ABŞ-da deyil, bütün dünyada əzbərlər pozulacaq
Con Bolton: “Riyakar rəsmilərə dözməyəcəyik”
Kinoya görə dini liderə gileylənmək nazirə baha başa gəlib
ABŞ ən yaxın müttəfiqini hədələdi
Konqresin keçmiş üzvü, 46 yaşlı Beto O’Rurk (Robert Francis O’Rourke) ötən həftə prezidentliyə namizədlik uğrunda mübarizəyə qoşulacağını açıqladı.
Beto 2018-ci ilin noyabrında Senata keçirilən seçkilərdə qırmızı (mühafizəkar) ştat sayılan Teksasda cümhuriyyətçilərin ağır çəkili təmsilçisi Ted Kruz qarşısında uğurlu nəticə əldə etməsindən sonra populyarlaşdı. O, 48 faiz səs alaraq cəmi 3 faiz fərqlə güclü və təcrübəli rəqibinə uduzdu, amma demokratlar bunu qələbəyə bərabər məğlubiyyət kimi qəbul etdilər. B. O’Rurk kampaniya zamanı rekord miqdarda – 80 milyon dollardan çox ianə toplamışdı.
Prezidentlik iddiasını elan etdikdən sonra onun bir sutka ərzində 6,1 milyon dollar ianə toplaması da demokrat seçicilərin bu namizədlikdən ruhlandığını göstərən faktdır. Müqayisə üçün deyim ki, digər iddialı namizədlər – senator Berni Sanders ilk sutkada 5,9 milyon, senator Kamala Harris isə 1,5 milyon dollar toplamışdı. Betonun namizədliyinin yarışın favoriti sayılan sosialist Sandersin şansını bir qədər azaldacağı güman olunur. Demokratlar düşünür ki, Beto O’Rurk prezident seçkilərində Teksasın rəngini qırmızıdan maviyə çevirə bilər. Bu ştat prezidenti seçən seçicilər kollegiyasına 38 nümayəndə göndərir (Kaliforniyadan sonra ikinci), demokratların burada qələbə qazanması cümhuriyyətçilərə öldürücü zərbə olar.
İrland mənşəli Beto O’Rurkun həyatından maraqlı faktlar kimi bunları qeyd etmək olar ki, yeniyetməlik dövründə o, “Cult of the Dead Cow” (Ölü inəyin kultu) adlı haker qrupunun üzvü olub. “Haktivizm” sözünü məhz bu qrup dövriyyəyə buraxıb. (Haktivizm informasiya texnologiyalarından, internetdən sosial və siyasi məqsədlər üçün azad şəkildə istifadəni ehtiva edən anlayışdır.) Beto punk-rok musiqisinin pərəstişkarıdır, gəncliyində həvəskar qruplarda bas gitara və baraban çalıb. İki dəfə polislə problemi olub: başqasına məxsus əraziyə icazəsiz daxil olmağa və içkili avtomobil idarə etməyə görə.
Bəzilərinin “yeni Kennedi”, digərlərinin “bəyaz Obama” adlandırdığı Beto O’Rurk demokratların namizədi seçilsə, onunla Donald Trampın döyüşü çox maraqlı keçəcək.
şərhləri göstər
Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.
Şərh əlavə etmək