14:53 | 30 oktyabr 2017 | Bazar ertəsi
Məqaləyə 3560 dəfə baxılıb
Şriftin ölçüsü
Efir məkanında nizam-intizam?!
+12, +18 və digər yaş məhdudiyyətlərinin qoyulması qaydaları açıqlandı
MÖVZU İLƏ ƏLAQƏLİ
-
Mirşahin yeni kanal açdı
Keçmiş ANS-çilər REAL brendi altında yenidən başlayır
-
Teleradio Şurası kanalların «ayıbına» göz yumur
Əksəriyyəti tələblərə əməl etmir
-
MTRŞ-dən xəbərdarlıq
«65 analoq TV yayım stansiyası söndürüləcək»
-
«Aparıcı ayaqyalın rəqs edib»
Televiziya efirinin toyxanaya çevrilməsi davam edir
-
«Bayağı verilişlər bağlanacaq»
Nuşirəvan Məhərrəmli: «Maliyyənin Milli Televiziya və Radio Şurasına ayrılmasını istəmirik»
-
«Bu məsələ anlayışla qarşılanmalıdır»
MTRŞ-dan azan açıqlaması
-
«Davranışlarına fikir ver»
MTRŞ-dan Zaur Baxşəliyevə xəbərdarlıq
-
«Serial çəkib insanlarımıza pis örnək olurlar»
«Biz fransız, ingilis deyilik ki, oturub erotik səhnəyə baxaq»
-
Bir telekanal cərimləndi...
... İkisinə isə xəbərdarlıq edildi
-
MTRŞ «cin atı»na mindi
Adam içinə çıxarılması mümkün olmayan veriliş başağrısı gətirdi
-
Milli Televiziya və Radio Şurası (MTRŞ) uşaqların və yetkinlik yaşına çatmayanların fiziki, mənəvi və əqli inkişafına ziyan vura bilən və televiziya məkanında kodsuz yayımlanan, o cümlədən erotikanı və qəddarlığı əks etdirən proqramlardan qorunması üçün daimi monitorinqlər aparır və müvafiq tədbirlər həyata keçirir.
Bunu «Trend»ə Milli Televiziya və Radio Şurasının (MTRŞ) Monitorinq şöbəsinin müdiri Təvəkkül Dadaşov deyib.
T.Dadaşov bildirib ki, tele-radio haqqında qanunvericilikdə konkret tələblər var ki, televiziya kanalları o tələblərə riayət etməlidir.
Onun sözlərinə görə, uşaqların və yetkinlik yaşına çatmayanların fiziki, mənəvi və əqli inkişafına ziyan vura bilən və kodsuz yayımlanan, o cümlədən erotikanı və qəddarlığı əks etdirən proqramlar üçün xüsusi qaydalar var: «Bu qaydalarda bir çox məsələlər öz əksini tapıb ki, bunların da məqsədi uşaqların və yeniyetmələrin mənafeyini qorumaq üçün nəzərdə tutulub. Efirdə fiziki və psixi zorakılıq hallarının əks olunduğu səhnələrin, qorxulu və dəhşətli filmlərin yer alması, tibbi əhəmiyyət kəsb edən əməliyyatların, hipnoz əməliyyatların, kriminal fəaliyyəti, spirtli içkilərin, narkotik vasitələrin, tütün məmulatlarının istifadə edilməsinin əks olunduğu səhnələrin yayımlanması, qumar oyunlarının, idman mərc oyunlarının təbliği ilə bağlı olan və digər məsələlər bu qaydalarla tənzimlənir. Bizim tez-tez rast gəldiyimiz məsələ bu halların qeyd olunduğu səhnələrin yayımı efirdə məhdudlaşdırılır. Bu məhdudlaşdırma səhər saat 07:00-dan axşam saat 23:00-ə qədər müddətdir. +12, +18 və digər yaş məhdudiyyətlərinin qoyulması isə televiziyaların daxili yaradıcılıq işidir».
T.Dadaşov qeyd edib ki, əgər yuxarıda qeyd olunan hallar aşkar olunursa, MTRŞ tərəfindən bununla bağlı müvafiq tədbirlər görülür: «Qeyd edim ki, əvvəlki dövrlərdə belə hallara tez-tez rast gəlinirdi. MTRŞ bununla bağlı müvafiq tədbirlər görüb, cərimələr edirdi. Son vaxtlar bu məsələlər müəyyən qədər azalıb, amma yenə də bu o demək deyil ki, belə hallar tam aradan qaldırılıb. MTRŞ daimi monitorinqlər keçirir və bunları izləyir».
