vaxtlı-vaxtında oxuyun! Çərşənbə axşamı, 19 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Səttar Xan (1866 - 1914)

«Türk milləti böyük bir daşa bənzər, çox gec qızar və gec də soyuyar»

Səttar Xan (1866 - 1914)
BÖHRAN  
02:53 | 18 fevral 2019 | Bazar ertəsi Məqaləyə 2251 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Putin Maduronun arxasından qaçır

Venesuela neft şirkətinin Rusiya bankındakı hesabları donduruldu

Şahin CƏFƏRLİ

MÖVZU İLƏ ƏLAQƏLİ

Rusiyanın “Qazprombank”ı Venesuela dövlət neft şirkətinin (PDVSA) hesablarını dondurub. Bu fakt göstərir ki, Rusiya Maduro rejimini qorumaq üçün sonadək mübarizə aparmaq və buna görə ABŞ-ın əlavə sanksiyalarına məruz qalmaq fikrində deyil. Siyasi dəstək verirlər və verəcəklər, amma Moskva Maduronun dözüm limitinin çox olmadığını yaxşı bilir. Venesuelanın Suriyaya çevrilməsi, yəni rejimin Rusiyanın dəstəyi ilə ayaqda qalması, yaxud bölgədə ikinci Kuba ssenarisinin yaşanması istisnadır.

23 fevral Venesuela üçün önəmli tarixdir. Həmin gün humanitar əməliyyatın keçirilməsinə - ABŞ və Xuan Quaydonu tanıyan digər ölkələrin göndərdiyi humanitar yardımın ölkəyə daxil olmasına cəhd göstəriləcək. Avtomobil karvanları Kolumbiya və Braziliya istiqamətlərindən Venesuelaya daxil olmağa çalışacaq və onları sərhədin o tayında rejim əleyhdarı olan çoxlu sayda könüllü qarşılayacaq.

Müxaliflərin “El Tirano” adlandırdığı Nikolas Maduro əməliyyatı hərbi intervensiya cəhdi kimi qiymətləndirərərk yardımları ölkəyə buraxmayacağını bildirib. Artıq yollar və körpülər TIR-larla qapadılıb.

Humanitar əməliyyatın qərargahı Kolumbiyanın Venesuela ilə həmsərhəd olan Kukuta şəhərində yerləşir. Hazırda bütün dünyanın diqqəti buraya yönəlib, böyük media qrupları öz jurnalistlərini Kolumbiyaya ezam etməyə başlayıb. ABŞ-da Maduronun kənarlaşdırılması əməliyyatının qeyri-rəsmi koordinatoru olan senator Marko Rubio da bu gün Kukutaya yola düşüb. Rubio Kuba əsillidir və Tramp regionla bağlı qərarlarında onun sözünü dinləyir. (Mehman Əliyev və Mehman Hüseynov məsələlərinin müsbət həllində də Rubionun rolu var.)

Əgər fevralın 23-də Venesuela ordusu humanitar yardımları ölkəyə buraxarsa, bu, “El Tirano”nun bitməsi demək olacaq. Əks halda, rejimin aqoniyası bir az uzana bilər.


   

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)