Qalmaqallı qanun layihəsi qəbul edildi
İran parlamenti internetə nəzarəti hərbçilərə həvalə etdi
MÖVZU İLƏ ƏLAQƏLİ
-
Tehran-İsfahan-Məşhəd arasında “gəzinti”
Zahidinin ölümündən əvvəlki səyahət marşrutu suallar yaradıb
-
Vaşinqton və “boz ərazi”
Bayden administrasiyasının heç vaxt dəqiq strategiyası olmayıb
-
İki general öldürüldü
İsrail İranın Dəməşqdəki konsulluğunu vurdu, Tehranda nümayişlər
-
İsrailin Hələbə hücumu
Onlarla rejim və Hizbullah yaraqlısı öldürülüb
-
Bizimlə dirəşən o birilərlə barışır
İran ətrafında halqa daralıb, sanksiyalar sərtləşib
-
İran elitasında parçalanma?
Uğurlu inqilab üçün əsas amil
-
Xalqa qarşı 9500 “Hizbullah”çı ...
Molla rejimi etirazçılara qarşı Yəmən, İraq və Əfqanıstandan terrorçular gətirir?
-
Mollaları silkələyən şüarlar...
“Biz hamımız Mohsen Şəkəriyik!”
-
İran odla oynayır ...
... yaxud bir Abbasılıq qiyməti olmayan yalan
-
İranı qarışdıracaq daha bir qətl
Sünni dini lideri qaçırdılar və üç güllə vurdular
-
HHM qarşılığında PUA
Rusiya və İran tam hüquqlu tərəfdaşa çevrilir
-
Allahsızlığın iki növü...
Cəllad Miloşeviç cəzasını verənlər Xameneyiyə göz yumur ...
-
“Onu asanlıqla aldadırlar”
İranlı nazir: “Makron MKİ tərəfindən idarə olunur”
-
Xameneyinin “xeyir duası”
Baş molla Qarabağı qana bulamağa çalışır
-
Etirazlarla bağlı ilk edam
SEPAH qərardan razı qalıb
-
1200 tələbə zəhərlənib
Olayın 3 günlük hökumət əleyhinə aksiyalardan bir qədər əvvəl baş verməsi şübhə doğurur
Qeyd edək ki, bundan öncə çoxsaylı etirazlarla qarşılaşdığı üçün layihənin müzakirəsi gecikdirilirdi. İran parlamentinin “Kiberməkanda İstifadəçilərin Hüquqlarının Müdafiəsi” adı altında fəaliyyət göstərən Müştərək Komissiyası ölkədə internetin maksimum məhdudlaşdırılması və hərbçilərin internetə nəzarətinin artırılması üçün təklif edilən qanun layihəsini komissiya üzvlərinin 18 lehinə, 1 əleyhinə səsi ilə qəbul edib.
Qanun layihəsinin əleyhinə səs verən yeganə nümayəndə Şərqi Azərbaycan əyalətinin Ocan (Bostanabad) şəhərinin İran parlamentindəki millət vəkili Qulamrza Nuri Qızılca olub.
“Təəssüflə tələsik şəkildə toplantı keçirib və qanun layihəsini qəbul etmək istədilər. Məsələnin qoyuluşu doğru deyil. Mən bununla razı olmadığım üçün əleyhinə səs verib və toplantını tərk etdim”-deyə, azərbaycanlı millət vəkili bildirib.
Təbriz, Üskü və Tufarqan şəhərlərinin nümayəndəsi və bundan öncə qanun layihəsinin müzakirəsinə qarşı çıxan Əhməd Əlirzabeygi isə məsələyə ilk münasibət bildirənlərdən biri olub.
O, qanun layihəsinin xalqın istəyi və iradəsinin əksinə olduğunu deyib və bunun qəbulunun daha çox problemlərə səbəb olacağı barədə xəbərdarlıq edib.
Əgər bu layihə məclis tərəfindən qanun olaraq qəbul edilərsə, onun mətnində bildirildiyi kimi, iranlı internet istifadəçilərinin bütün məlumatları toplanacaq. Dataların toplanması və istifadəsi isə İran qanunlarına əsasən, “normal hal” hesab ediləcək.
Xatırladaq ki, ötən illər ərzində İranın dini rəhbəri Əli Xameneyi bir çox çıxışlarında ölkədə virtual dünyanın “özbaşına” buraxıldığını bildirərək aidiyyəti qurumların onu məhdudlaşdırmamasını tənqid edib.
Digər tərəfdən, İran hökuməti habelə uzun illərdir ölkənin internet şəbəkəsini qlobal şəbəkədən ayırmağa çalışır. “Milli şəbəkə” adlanan bu layihəni işə salmaqla rejim ölkədə baş verən etirazları amansızlıqla yatırması ilə bağlı məlumat və görüntülərin xaricə yayılmasının qarşısını almaq istəyir.
“Dünyanın internet şəbəkəsi ilə əlaqələri kəsməyin açarı” adlandırılan bu layihənin iki il ərzində reallaşdırılması nəzərdə tutulur.
İran hökuməti interneti daha da məhdudlaşdırmağa elə bir halda çalışır ki, “Freedom House”nin 2021-ci il üçün yeni hesabatında dünya ölkələrinin İnternet Azadlığı İndeksi ilə bağlı hesabatında İran internet azadlığına görə dünyada ən sonuncu yerlərdən birini tutur və Belarus, Özbəkistan və Pakistan kimi ölkələrdən də geri qalır.
Qeyd edək ki, adı çəkilən qanun layihəsinin qəbulu ilə bağlı dəfələrlə parlamentdə müzakirələr olub və bir sıra güney azərbaycanlı millət vəkilləri, o cümlədən Təbrizin nümayəndəsi Məsud Pezeşkiyan, Əhməd Əlirzabeygi və Urmunun nümayəndəsi Ruhullah Həzrətpur onun əleyhinə olduqlarını bildiriblər.
Urmu şəhərinin İran parlamentindəki nümayəndəsi Ruhullah Həzrətpur parlamentdə bir neçə dəfə müzakirəyə çıxarılan və kiber məkana nəzarətin gücləndirilməsini nəzərdə tutan layihənin əleyhinə olduğunu deyib.
Ruhullah Həzrətpur insanlar üçün kiberməkan və sosial şəbəkələrdən geniş istifadənin qarşısının alınmasının mümkün olmadığını vurğulayıb.
“Kiber məkanın insanların qarşılıqlı əlaqə və ünsiyyət məkanı olduğu indiki şəraitdə onları bu imkandan məhrum etmək məntiqli deyil”, - deyə o, “İlna” xəbər agentliyinə verdiyi müsahibədə bildirib.
Həzrətpur millət vəkillərini bu gün əhalinin daha vacib problemlərinin həlli ilə qərar verməli olduqlarını diqqətə çatdıraraq, hazırda pandemiya məhdudiyyətlərindən irəli gələn ağır şəraitdə insanların iş və gəlir qaynaqlarından biri olan kiberməkana müdaxilənin yolverilməz olduğunu söyləyib.