vaxtlı-vaxtında oxuyun! Bazar ertəsi, 28 noyabr 2022
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Tariximiz bizim üçün dərs olmalıdır. O, heç nəyi silmir»

Heydər Əliyev (1923 - 2003)
BÖHRAN  
08:49 | 13 aprel 2022 | Çərşənbə Məqaləyə 835 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Yeni Qəddafi, Səddam...

Putin artıq Qərb üçün arzuolunmaz şəxs, toksik fiqurdur

Şahin CƏFƏRLİ

MÖVZU İLƏ ƏLAQƏLİ

ABŞ Ukraynaya daha 750 milyon dollarlıq silah-sursat verəcək. Nəhəng silah istehsalçıları - “Lockheed Martin”, “Raytheon”, “Northrop Grumman”, “General Dynamics”, “L3 Harris” və digər şirkətlərin təmsilçiləri sabah Pentaqona dəvət olunub. Görüşdə Ukraynanın modern silah sistemləri ilə təchizatı müzakirə ediləcək. Ukraynaya uzaq məsafədəki hədəflərə zərbə endirəcək raketlərin veriləcəyi gözlənilir.

Bir tərəfdə ağır sanksiyalar nəticəsində getdikcə resursları azalan Rusiya, o biri tərəfdə isə nə qədər itkilərə, dağıntılara məruz qalsa da, öz mövcudluğunu qorumaq üçün sona qədər döyüşməkdən başqa yolu olmayan, bunun üçün kifayət qədər insan ehtiyatına sahib və Qərbdən fasiləsiz rejimdə maddi, hərbi yardımlar alan Ukrayna var.

Ukrayna bu yardımlar nəticəsində uzun müddət döyüşməyə qadirdir, savaşın uzanması isə Rusiyaya sərf eləmir. Çünki bu cür gedişat sanksiyaların daha da ağırlaşması, beynəlxalq siyasi və iqtisadi təcridin daha da güclənməsi deməkdir. Müasir texnologiyalardan məhrum olan Rusiya sənayesinin, o cümlədən neft-qaz və hərbi sənaye kimi strateji sahələrin tədrici deqradasiyası qaçılmazdır. Rusiya savaşı tezliklə dayandırıb, Ukrayna ilə sülhə getməsə, elə bir vəziyyətə düşəcək ki, nəinki inkişaf yoluna çıxmaq, hətta müharibə başlayandan (24 fevral 2022-ci il) bir gün əvvələ səviyyəsinə qayıtmaq üçün ona uzun illər lazım olacaq.

Lakin görünən odur ki, müharibənin dayanması da Rusiyaya kömək etməyəcək. Cəmi ay yarım əvvələ qədər Moskvanın Qərbdəki 1 saylı strateji tərəfdaşı, hətta Merkel dövründə qeyri-rəsmi müttəfiqi olan Almaniyanın bugünkü mövqeyi geosiyasi vəziyyətin nə qədər kardinal dəyişikliyə məruz qaldığını göstərir. Prezident Ştaynmayer açıq şəkildə bildirdi ki, Putin hakimiyyətdə olduğu dövrdə Rusiya ilə əlaqələr heç vaxt əvvəlki kimi olmayacaq. Bu, o deməkdir ki, Rusiya-Ukrayna sülhü olsa belə, sanksiyaların tez müddətdə ləğvini və Moskva ilə istiləşməni gözləməyə dəyməz.

Yəni Putin artıq Qərb üçün arzuolunmaz şəxs, toksik fiqurdur. Putin Qərb ictimai rəyində yeni Qəddafi, yeni Səddamdır. Qısa vədədə Rusiya üçün ən optimal yol bu ola bilər ki, elitalar yığışıb, bu qoca avantüristi hansısa şəkildə dövlətin başından kənarlaşdırsınlar.



   

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)