![](img/left_arrow.jpg)
![](img/right_arrow.jpg)
Əfqanıstan administrasiyası beynəlxalq arenada Çindən diplomatik dəstək istəyib
Kainatda ən yüksək enerjili qamma-şüa xətti kəşf edildi
“F-35”lər Çin və Rusiya döyüş təyyarələrini geri otuzdurdu
Şimali Koreya raket texnologiyaları çatdırılmasında kömək edən 5 şirkət və 6 şəxs qara siyahıda
Ukrayna son anda açıqladı
Əriməyə davamlı elektrik stansiyası nüvə yanacağı tullantılarını təkrar emal edir
Könüllük əsasında ...
Batmış paslı “Sierra Madre” ilə bağlı ABŞ və Çin niyə fikir ayrılığına düşürlər?
Yeni Zelandiyadakı 4 ölüm kanadalı aşpazın satdığı qida əlavəsi ilə bağlıdır
Tayvan mümkün müharibəyə qarşı hərbi təlimlərə başlayır
Gənclər gərgin temp və təzyiq mühitindən bezib
Kanada meşələrindəki alov 95 min hektara yayılıb
“Kosmos yarışını uduza bilərik”
Çin ABŞ ilə nüvə silahı danışıqlarını dayandırdı
“Tayvan müdafiə istəyirsə, ABŞ-a pul ödəməlidir”
NATO daxilindəki təsadüfi partlayışlar fürsətə çevrildi
ABŞ-nin “Wall Street Journal” (WSJ) qəzeti Qərb ölkələrinin mədən yarışında Çindən geri qaldığını yazıb. Xəbərdə İsveçrənin “Glencore” mədən şirkəti fevral ayında Fransa müstəmləkəsi Yeni Kaledoniya ərazisində fəaliyyətini dayandırdığı, Britaniyanın “Horizonte Minerals” mədən şirkəti isə ötən ay həyata keçirdiyi yeni mədən layihəsini təxirə saldığı xatırladılıb.
Avstraliyanın cənubunda Qərb şirkətlərinə məxsus 4 nikel mədəninin bağlandığı, ABŞ-da bəzi litium hasilatı layihələrinin də dayandırıldığı diqqətə çatdırılıb. Qəzet Çinin nikel, kobalt və litium kimi mineralların çıxarılması istiqamətində aqressiv siyasətləri ilə Qərb şirkətlərinin əl-qolunu bağladığını yazıb.
Xəbərdə paylaşılan məlumatlara görə, keçən il Qərb ölkələrinin xaricdə təmizlənmiş kobalt istehsalı son 15 ilin ən aşağı səviyyəsinə düşüb. Çin şirkətləri tərəfindən ölkədən kənarda həyata keçirilən litium hasilatının qlobal bazarda payı bu il 35 faizə yüksəlib. Sözügedən nisbət 2018-ci ildə 14 faiz idi. Eyni dövrdə Çinin litium emalı zavodunun gücü 63 faizdən 70-ə yüksəlib.
“Fastmarkets” əmtəə qiymətlərinin təhlili firmasından Vilyam Adams Çinin mədənçilik sahəsində aqressiv potensial genişləndirmə siyasətinin sektorda artıq təklif yaratdığına diqqət çəkdi.
Çində dövlət tərəfindən dəstəklənən “Zijin Mining” şirkəti bu il litium istehsal gücünü 85 faiz artırmağı planlaşdırdığını açıqlayıb. Şirkət gələn il bu rəqəmi 5 dəfə artırmağı hədəfləyir.
“Zijin Mining” Kanadada yerləşən “Neo Lithium” şirkətinin 2021-ci ildə satışa çıxardığı mədəni Argentinada alıb. O dövrdə “Neo Lithium” şirkətinin meneceri olan Konstantin Karayannopulos Almaniya, Yaponiya, Cənubi Koreya, Avstraliya və ABŞ kimi müxtəlif ölkələrə təkliflər etdiklərini, lakin heç kimin sərmayə qoymaq istəmədiyini bildirib.
Karayannopulos, ən yüksək təklifin üç Çin şirkətindən gəldiyini və mədənin 2022-ci ildə 750 milyon dollara “Zijin Mining”ə satıldığını bildirib.
Xəbərdə Çinin xüsusilə İndoneziyada qurduğu nikel və kobalt mədənlərinin kömür enerjisi ilə işlədiyinə diqqət çəkilib.
Mədən sənayesində Çin şirkətlərinə meydan oxuyan Kanadanın “Talon Metals” ABŞ-ın Minnesota ştatında karxananı idarə etmək üçün Vaşinqtondan 100 milyon dollar dəstək alıb. İlon Maskın şirkəti “Tesla” da buradan çıxarılan nikeldən elektrik avtomobillərinin akkumulyatorlarında istifadə etməyi öhdəsinə götürüb.
Bununla belə, “WSJ” Çin nikel şirkətlərinin Pekin administrasiyasından daha çox dəstək aldığını qeyd edərək, Qərb ölkələrinin çinlilərlə ayaqlaşa bilməyəcəyini yazıb. “Talon Metals” şirkətindən Todd Malan bildirib ki, Pekin subsidiyalarla “qiymət üzərində nəzarətin yaradılması” strategiyasını həyata keçirir, Qərbdəki layihələr isə bazar əsaslı iqtisadi meyarlara cavab verməlidir.