vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Məhəmməd Hüseyn Şəhriyar (1906 - 1988)

«Şair xalqın səsi, əsrin səsidir,
Vətənin ağsaçlı sərkərdəsidir,
Hökmüylə ordular ayağa qalxır,
Şerinin selində daşlar da axır»

Məhəmməd Hüseyn Şəhriyar (1906 - 1988)
REGİON  
23:26 | 5 iyun 2019 | Çərşənbə Məqaləyə 1961 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

-4,5 faizlik “inkişaf”

Dünya Bankı: “İran iqtisadiyyatına görə Nikaraquadan sonra ən çox tənəzzül edən ölkədir”

MÖVZU İLƏ ƏLAQƏLİ

Dünya Bankı dünya ölkələrinin iqtisadi inkişaf perspektivləri ilə bağlı yayımladığı yeni proqnozda İranla bağlı göstəricilərə də yer verib.

Proqnoza əsasən, İran Ümum Daxili Məhsulunun həcmi baxımından Nikaraquadan sonra ən pis indeksə sahib olan ölkə olacaq.

Bu Beynəlxalq qurum ötən ilin yarısında İranın 2019-cu il üçün iqtisadi inkişafını +4.1 faiz proqnozlaşdırsa da, cari ilin yanvar ayında bu rəqəmin -3.6 faiz olacağını bildirmişdi. Yeni yayılmış proqnoza əsasən isə, 2019-cu ildə İranın iqtisadi inkişafının həcmi -4.5 faiz olacaq.

Bank bunun səbəbinin Amerika Birləşmiş Ştatlarının sanksiyaları, xüsusilə də neft ixracatına qoyduğu embarqolar nəticəsində İranın dövlət gəlirlərinin azalması ilə əlaqələndirib.

Dünya Bankının İran iqtisadiyyatının inkişaf ilə bağlı proqnozu Beynəlxalq Valyuta Fondununkundan daha ürəkaçandır. Belə ki, Fond bu xüsusda hazırladığı son hesabatda bildirmişdi ki, İran iqtisadiyyatı 2019-cu ildə təqribən 6 faiz kiçiləcək.

Dünya Bankının proqnozlarla bağlı yayımladığı bu yeni hesabatda həmçinin qeyd edilir ki, İranda 2018-ci ilin yarısında təqribən 10 faiz olan inflyasiya həddi 2019-cu ilin aprel ayına qədər 52 faizə çatıb və riyalın öz dəyərini kəskin itirməsi də İran iqtisadiyyatının ən böyük problemlərindəndir.

Qeyd etmək lazımdır ki, ABŞ-ın 2018-ci ilin may ayında nüvə razılaşmasından çıxmaqla, rəsmi Tehrana qarşı yenidən sanksiyalar tətbiq etməsi İran iqtisadiyyatını iflic vəziyyətə salıb. Noyabr ayının 5-də İranın dövlət gəlirlərinin 70 faizdən çoxunu təmin edən neft ixracatına sanksiya qoyulması ilə bu tənəzzül daha da sürətlənib.  İranın milli pul vahidi- riyal isə 2018-ci ilin yayından bu günə qədər təqribən 70 faiz ucuzlaşıb.