vaxtlı-vaxtında oxuyun! Bazar, 3 iyul 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Barış Manço (1943 - 1999)

«İnsanlar hər zaman qəhrəman ola bilməzlər, ama hər zaman insan ola bilərlər»

Barış Manço (1943 - 1999)
DÜNYA  
15:18 | 6 may 2022 | Cümə Məqaləyə 472 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

15 milyonadək ölüm ...

COVİD-19-a yoluxma sayı yarım milyarddan artıqdır

MÖVZU İLƏ ƏLAQƏLİ

Koronavirus pandemiyası dünyada 15 milyonadək əlavə ölümə səbəb olub. Bu yeni hesablamanı Dünya Səhiyyə Təşkilatı (DST) aparıb. Göstəriciyə həm COVİD-19-dan ölənlər, həm də böhranla əlaqəli digər səbəblərdən, məsələn, tibbi xidmətin çatışmazlığından vəfat edənlər daxildir.

DST əlavə ölümlər deyəndə “baş verən ölü sayı ilə daha öncəki illərin məlumatlarına əsasən, pandemiya olmasaydı baş verə biləcək ölü sayı arasındakı fərqi” nəzərdə tutur.

***

Qurumun baş direktoru Tedros Adhanom Gebreyesus bəyanatında deyib ki, “bu ayıldıcı məlumat təkcə pandemiyanın təsirini göstərmir, eyni zamanda ölkələrin daha möhkəm səhiyyə sistemlərinə sərmayə qoymalı olduğunu” üzə çıxarır.

Pandemiyanın ilk iki ilində əlavə ölümlərin çoxu Cənub-şərqi Asiya, Avropa və Amerikalarda qeydə alınıb. Onların üçdə ikisi cəmi 10 ölkədə, o cümlədən ABŞ-da baş verib.

Birləşmiş Ştatlarda koronavirusdan ölüm 1 milyona yaxınlaşmaqdadır. Ancaq bu saya pandemiya dövründə səhiyyə sistemləri yükləndiyindən müalicə ala bilməyənlər daxil deyil.

“Digər yuxarı gəlirli ölkələr sırasında ABŞ-da ən pis əlavə ölüm göstəriciləri qeydə alınıb”, – Virciniya Kommonvels Universitetinin Tibb Məktəbində Cəmiyyət və Səhiyyə Mərkəzinin fəxri direktoru və aparıcı müşaviri, DST-nin hesabatının hazırlanmasına iştirak etməmiş Stiven H. Vulf deyib.

“Görünən odur ki, pandemiya nəhəng sayda həyat itkisinə səbəb olub”, – Vulf sözlərinə əlavə edib.

***

Əlavə ölümlərin 81 faizi ortagəlirli, 53 faizi isə aşağı-ortagəlirli ölkələrin payına düşüb. Yuxarı gəlirli ölkələr üzrə əlavə ölümlər 15 faiz, azgəlirli ölkələrdə isə 4 faiz olub.

Cons Hopkins Universitetinin hesablamasına görə, dünyada koronavirusdan indiyədək 6 milyon 200 mindən çox insan vəfat edib. Yoluxma sayı 500 milyondan artıqdır.

DST Hindistanda pandemiyanın 4.7 milyon ölümə səbəb olduğunu bildirir. Amma hökumətin göstərdiyi rəqəm bundan 10 dəfə azdır. Hindistanın Səhiyyə Nazirliyi bu hesabatı rədd edib, informasiya yığımı sisteminin “statistik baxımdan qeyri-sağlam olduğunu, elmi baxımdan suallar yaratdığını” deyib.

Rəsmi təsdiqlənmiş ölü sayı ilə DST-nin hesablamasının fərqinə gəlincə, ekspertlər bunu bəzi yerlərdə testlərin olmaması, adamların heç virusa yoluxduğunu bilmədən ölməsi ilə əlaqələndirirlər. Bəzi ölkələr isə ölüm hallarını yaxından izləməyib. 85 ölkə COVİD-dən ölümlərə dair statistikanı DST-yə verməyib.

Azərbaycanda indiyədək koronavirusdan 9 min 700-dən çox ölüm və 792 mindən çox yoluxma təsdiqlənib.