Almaniyadakı Robert Kox İnstitutunun məlumatına görə, “COVİD-19”un “NB.1.8.1” kimi də tanınan “Nimbus” variantı ölkədə 2025-ci ilin mart ayının sonunda aşkar edilib. Mayın əvvəlində bu, bütün yoluxma halların 16,7 faizini təşkil edib. Beynəlxalq mənzərə də sürətlə artır – variantın dünya üzrə payı aprelin sonunda 2,5 faiz olduğu halda, may ayının sonunda 10,7 faizə çatıb.

Dünya Səhiyyə Təşkilatı (DST) may ayının sonunda bu variantı “monitorinq altında olan variant” kimi təsnif edib. Variantın bir səbəbinə gəlincə: sünbül proteinindəki bir sıra mutasiyalar ACE2 reseptoruna bağlanmağı asanlaşdırır. Bu da antikorların onu tanımasını çətinləşdirir. Bu immunitetdən yayınma qabiliyyəti əvvəlki dominant variant LP.8.1-dən 1,5-1,6 dəfə çoxdur.

***

“Warwick” Universitetinin virusoloqu Lourens Yanq, “Gələcək aylarda infeksiyaların sayında artım müşahidə edəcəyik”, – deyib. Alim, “COVID-19”un isti və rütubətli havalarda belə yayılma qabiliyyətini vurğulayıb. Yeni variant yazda Asiyada infeksiyaların artmasına səbəb olub və ABŞ və Avstraliyada da yayılıb.

DST-yə görə, Nimbusun yaratdığı xəstəliklər hazırda daha ağır deyil. Tipik simptomlar – yorğunluq, qızdırma, boğaz ağrısı və əzələ ağrıları. Ölüm nisbətində də ciddi artım olmayıb. Siçanlar üzərində aparılan laboratoriya tədqiqatları göstərir ki, hazırkı “COVID-19” vaksinləri ağır xəstəliklərdən qoruyur, antikor səviyyələri bir qədər aşağı olsa da, onların effektivliyi əsasən saxlanılır.