vaxtlı-vaxtında oxuyun! Cümə axşamı, 9 fevral 2023
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Mustafa Kamal Atatürk (1881 - 1938)

«Türk oğlu əcdadını tanıdıqca, daha böyük işlər görmək üçün özündə güc tapacaq»

Mustafa Kamal Atatürk (1881 - 1938)
DÜNYA  
13:45 | 19 iyun 2022 | Bazar Məqaləyə 852 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Hindistan və Banqladeşdə selə təslim oldu

Daşqınlar onlarla insanın ölümünə səbəb olub

MÖVZU İLƏ ƏLAQƏLİ

Hindistanın şimal-şərqində və Banqladeşdə musson yağışlarının səbəb olduğu güclü daşqınlar nəticəsində onlarla insan ölüb, milyonlarla ev suyun altında qalıb. Bu barədə bölgə rəsmiləri məlumat verib.

Hər iki ölkə iyunun 18-də xilasetmə işlərinə kömək etmək üçün ordularını çağırıblar. Bu həftə sonu daha çox daşqın və yağışların olacağı gözlənilir.

Fəlakətlərin idarə olunması agentliyi məlumat verib ki, Hindistanın Assam ştatında doqquz nəfər ölüb, 2 milyon yaxın insanın evləri suyun altında qalıb.

Rəsmilər deyib ki, qonşu Banqladeşin bəzi hissələrində çaxan ildırımlar iki gün ərzində azı 15 nəfərin ölümünə səbəb olub.

Paytaxt Dəkkədə daşqınların proqnozlaşdırılması və xəbərdarlıq mərkəzinə əsasən, Banqladeş boyu çaylarda suyun səviyyəsi təhlükəli həddə çatıb.

Hökumət Banqladeşdə daşqınların 2004-cü ildən bəri ölkədə baş verən ən pis daşqınlar kimi təsvir edib.

“Ölkənin şimal-şərqinin böyük bir hissəsi suyun altındadır, güclü leysanlar davam etdiyi üçün vəziyyət pisləşir,” Banqladeşin Silhet bölgəsinin baş administratoru Məhəmməd Möşərrəf Hüseyin deyib.

Banqladeş və Hindistanda son illərdə artan ekstremal hava şəraiti ilə üzləşib.

Ətraf mühit mühafizəçiləri xəbərdarlıq edib ki, iqlim dəyişikliyi, xüsusilə də əhalinin sıx məskunlaşdığı Banqladeşin alçaq ərazilərində daha çox fəlakətlərə səbəb ola bilər.