5 Qərbi Balkan ölkəsi (Albaniya, Bosniya və Hersoqovina, sabiq Yuqoslaviya Respublikası olan Makedoniya, Çernoqoriya, Serbiya) və Moldova bu gün Avropa İttifaqının (Aİ) yeni 7 illik «Horizon-2020» elmi-tədqiqat və innovasiya proqramını imzalayıb. 6 ölkə Assosiasiya Müqavilələrini Brüsseldə Avropa Komissiyasının elmi-tədqiqat və innovasiya proqramları üzrə baş direktoru Robert-Jan Smit ilə birlikdə imzalayıb. Həmin ölkələrin hər biri «FP7» (Aİ-nin elmi-tədqiqat və qabaqcıl texnologiyaların inkişafı üzrə 7-ci struktur proqramı) vasitəsilə Aİ ilə elmi-tədqiqat və innovasiya üzrə əməkdaşlıq təcrübəsinə malikdir. Qeyd olunan ölkələr həmin təcrübə əsasında «Horizon-2020» proqramına qoşulublar.

Aİ-nin elmi-tədqiqat, innovasiya və elm məsələləri üzrə komissarı Mare Gegin-Kuin (Máire Geoghegan-Quinn): «Bu gün imzalanmış müqavilələr Aİ-nin və həmin ölkələrin xeyrinədir. Elmi-tədqiqat və innovasiya üzrə əməkdaşlığın artırılması inkişaf, rəqabətə davamlılıq və iş yerlərinin yaradılması baxımından yeni imkanlar yaradacaq. Assosiasiya «Horizon -2020» proqramında qabaqcıl alimlərin yerdəyişməsini asanlaşdıracaq. Milli elmi-tədqiqat sistemlərini gücləndirəcək və ölkələrin «Avropa Elmi-tədqiqat Zonası»na inteqrasiyasına kömək edəcək».

6 ölkə üzrə tədqiqatçılar, şirkətlər və tədqiqat üzrə digər əməkdaşlar indiyədək Aİ-nin tədqiqat layihələri və şəbəkələrində uğurla iştirak ediblər. Bu ölkələrin proqrama eyni vaxtda qoşulması regional əməkdaşlığı artıracaq. «Horizon-2020» proqramından maksimum yararlanmaq üçün bu ölkələr «FP7» təcrübələrindən istifadə etməli, milli elmi-tədqiqat və innovasiya imkanlarını artırmalıdırlar. Xırda və orta müəssisələrin iştirakı hələlik məhdud olsa da, tədqiqat və innovasiya proqramında iştirak edən kiçik müəssisələrin sayı getdikcə artır. Bu isə «Horizon-2020» proqramında uğurlu iştirakın başqa bir nümunəsidir. Proqramda laboratoriyadan tutmuş bazara kimi diqqət bütün innovasiya tədbirlərinə yönəlib.

Assosiasiya müqavilələri 2014-cü ilin yanvar ayının 1-dən «retroaktiv» şəkildə qüvvəyə minəcək. 5 Qərbi Balkan ölkəsinin və Moldovanın tədqiqat və innovasiya qurumları dərhal «Horizon-2020» proqramının maliyyələşmə imkanlarından istifadə edə biləcəklər. «Horizon-2020» proqramı 2014-2020-ci illəri əhatə edəcək.

Qeyd edək ki, bugünkü imzalama mərasimindən sonra artıq 10 ölkə «Horizon-2020» proqramına qoşulmuş oldu.

Qısa arayış

Müqavilələri altı ölkə üzrə aşağıdakı nümayəndələr imzalayıblar:

Albaniya: Təhsil, Mədəniyyət və İdman naziri, Lindita NİKOLLA

Bosniya və Herseqovina: Aİ səfiri və Aİ-nin Bosniya və Herseqovina missiyasının rəhbəri H.E. İqor DAVİDOVİÇ

Makedoniya (sabiq Yuqoslav Respublikası): Təhsil və Elm naziri, Abdilaqim ADEMİ

Çernoqoriya: Təhsil naziri, professor Sanja VLAXOVİÇ

Serbiya: Təhsil, Elm və Texnologiyalar naziri, elmlər doktoru Srdjan VERBİÇ

Moldova: Moldova Milli Elmlər Akademiyasının prezidenti, Georgi DUKA

Yuxarıda qeyd olunan ölkələrin Aİ-nin elmi-tədqiqat və qabaqcıl texnologiyaların inkişafı üzrə 7-ci struktur proqramda (FP7) iştirakı: