vaxtlı-vaxtında oxuyun! Cümə, 4 iyul 2025
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Dünya ümumiyyətlə quruculuqla, tikib-yaratmaqla yaşayıb, inkişaf edib»

Heydər Əliyev (1923 - 2003)
ASİYA  
“Shandong” Honq Konq yaxınlığında 21:29 | 3 iyul 2025 | Cümə axşamı Məqaləyə 15 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Shandong” Honq Konq yaxınlığında

Çin öz istehsalı olan təyyarədaşıyan gəmisi ilə güc nümayişi etdirib

CAVİD

MÖVZU İLƏ ƏLAQƏLİ

Çinin 305 metr uzunluğundakı “Shandong” təyyarədaşıyan gəmisi Qərbi Sakit Okeandakı hərbi təlimlərdə iştirak etdikdən sonra bu gün Honq-Konqa gəlib.

Fransanın AFP xəbər agentliyinin müxbirləri bu gün səhər Honq-Konqun cənub sahillərində üzən “Shandong” təyyarədaşıyan gəmisini və onu müşayiət edən döyüş tapşırıq qrupunu, o cümlədən “Çançzyanq” esminesi və “Yunçenq” freqatını görüblər.

Pekin, “Shandong” təyyarədaşıyan gəmisinin beş gün Honq-Konqdakı dəniz qrupunda qalacağını və bu münasibətlə “ziyarətlər və mədəni mübadilə fəaliyyətləri”nin keçiriləcəyini açıqlayıb. Bu arada, Honq-Konq Çinlə birləşməsinin 28-ci ildönümünü qeyd edib və dünən bu münasibətlə rəsmi bayram olub.

Çində inşa edilən ilk təyyarədaşıyan “Shandong” 2019-cu ildə Çin Hərbi Dəniz Qüvvələrinə qoşuldu. Pekinin 2000-ci ildə Ukraynadan aldığı “Liaoning” və “Shandong” adlı iki aktiv təyyarədaşıyıcısı var. Üçüncü təyyarədaşıyan “Fujian” tamamlanıb, lakin hələ də sınaqdan keçirilir.

Çin bazar ertəsi günü iki dəniz döyüş tapşırıq qrupunun Qərbi Sakit Okean bölgəsində “bu yaxınlarda uğurlu” döyüş təlimləri keçirdiyini açıqladı.

Bu arada Tokio Çin döyüş təyyarələrinin “Shandong” təyyarə gəmisindən havaya qalxdığını və Yapon hərbi patrul təyyarəsinə 45 metr yaxınlaşdığını bildirsə də, Pekin bu iddianı rədd edib.

“Shandong”, adanın simulyasiya edilmiş mühasirəsi də daxil olmaqla, keçən aprel ayında Tayvan boğazında hərbi təlimlərdə iştirak etdi. Həmin ayın sonunda Filippin Hərbi Dəniz Qüvvələri ölkənin ən şimal nöqtəsindəki Babuyan adasının iki dəniz mili yaxınlığında “Shandong” təyyarədaşıyan gəmisini gördü.

Çinin “WeChat” sosial media platformasında Honq-Konqdakı gəmiləri ziyarət etmək üçün biletlər bir neçə dəqiqə ərzində satılıb. “Shandong”, “Liaoning” təyyarə gəmisinin 2017-ci ildə qlobal maliyyə mərkəzini ziyarət etməsindən sonra Honq-Konqa səfər edən ikinci Çin təyyarə gəmisidir.