Qlobal borclar Çin və ABŞ-da borclanması hesabına 2 trilyon dollardan çox artıb. Yekun məbləğ ilin birinci yarısında 312 trilyon dollara yüksəlib.

Bu rəqəmlər Beynəlxalq Maliyyə İnstitutunun (IIF) “Qlobal Borc Monitoru” hesabatında dərc edilib.

Hesabata görə, ilin birinci yarısında qlobal borcun məbləği təxminən 2,1 trilyon dollar artaraq 312 trilyon dollara çatıb.

Bu dövrdə qlobal borcun artımı ötən ilin birinci yarısında qeydə alınan 8,4 trilyon dollar artımdan xeyli aşağı olub.

Ötən ilin eyni dövründə qlobal borcun həcmi 302,4 trilyon dollar olaraq hesablanıb.

Qlobal borc artımının böyük hissəsi Çin və ABŞ-da borclanma hesabına baş verib. Hindistan, Rusiya və İsveç də qlobal borcun artmasına töhfə verib. Ümumi borc məbləğində əhəmiyyətli azalma bir çox Avropa ölkələrində və Yaponiyada qeydə alınıb.

İlin ikinci rübündə inkişaf etmiş iqtisadiyyatların ümumi borcu 210,5 trilyon dollar olaraq hesablandığı halda, inkişaf etməkdə olan bazarların borcu 101,3 trilyon dollar olub.

Qlobal borc bölgüsünə baxıldığında, bu dövrdə ev təsərrüfatlarının borcları 59,6 trilyon dollara, qeyri-maliyyə şirkətlərinin borcları 89,6 trilyon dollara, dövlət borcları 91,7 trilyon dollara, banklar kimi maliyyə şirkətlərinin borcları isə 70,9 trilyon dollara yüksəlib.

Qlobal borcun ümumi daxili məhsula (ÜDM) nisbəti ümumən sabit kurs keçərək 327-328 faiz ətrafında dəyişib.

Ümumi ÜDM-ə nisbəti nəzərə alınmaqla, ikinci rübdə əhalinin borcları ötən ilin müvafiq dövrü ilə müqayisədə 62 faizdən 60,9 faizə, qeyri-maliyyə şirkətlərinə məxsus borclar 91,5 faizdən 90,6 faizə, maliyyə borcları isə 91,5 faizdən artıb. Ötən ilin eyni dövrü ilə müqayisədə sektorun borcları 78,9 faizdən 78,5 faizə enib. Həmin dövrdə dövlət borcu 96 faizdən 97,6 faizə yüksəlib.

Bundan əlavə, hesabatda qlobal dövlət borcunun hazırkı 92 trilyon dollar səviyyəsindən 2030-cu ilə qədər 145 trilyon dollara, daha sonra 2050-ci ilə qədər 440 trilyon dolları keçəcəyi proqnozlaşdırılır.