vaxtlı-vaxtında oxuyun! Çərşənbə axşamı, 25 iyun 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Seyid Cəfər Pişəvəri (1892 - 1947)

«Haqqı almaq asan bir işdir, onu saxlamaq şərtdir»

Seyid Cəfər Pişəvəri (1892 - 1947)
AKTUAL  
10:46 | 13 iyun 2019 | Cümə axşamı Məqaləyə 272 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Laricani Qərbi hədələdi

“Neft sata bilməsək, şərtlər dəyişəcək”

İran Milli Məclisinin spikeri Əli Laricani bildirib ki, avropalılar qarşıdakı 1 ayda əməli addımlar atmasalar, “şərtlər dəyişəcək”.

O, ölkəsinin şərtləri hansı formada dəyişəcəyi barədə detalları açıqlamasa da, qeyd edib ki, Avropa ölkələri “İnstex” adlanan xüsusi maliyyə kanalının əməli olaraq işə düşməsi üçün İrandan neft almalıdırlar.

Qeyd etmək lazımdır ki, İranın Ali Milli Təhlükəsizlik Şurası mayın 8-də bəyanat yayaraq, Avropanın nüvə razılaşması çərçivəsində 60 gün ərzində başlıca olaraq bank və neft sektorlarıyla əlaqəli üzərinə götürdüyü öhdəliklərə əməl etmədiyi təqdirdə, rəsmi Tehranın zənginləşdirilmiş uran və ağır su depolanması ilə bağlı qəbul etdiyi məhdudiyyətləri ləğv edəcəyini bildirmişdi. 

Bəyanatda vurğulanırdı ki, Avropa 60 gün ərzində bu öhdəlikləri yerinə yetirməsə, İran zənginləşdirilmiş uranın miqdarı və Ərak ağır su reaktorunun modernləşdirilməsi ilə bağlı qəbul etdiyi məhdudiyyətlərə xitam verəcək.

Spikerin bu sözləri göstərir ki, rəsmi Tehran 60 gündən geridə qalmış 26 gün ərzində Avropadan neft alışı ilə bağlı zəmanət almağa çalışır.

Xatırladaq ki, neft ixracatından əldə edilən vəsait İranın əsas dövlət gəlirini təşkil edir. Belə ki, ölkə iqtisadiyyatının 70 faizdən çoxu neft gəlirlərindən asılıdır. ABŞ-ın 2018-ci ilin noyabr ayının 5-də İranın neft və qaz sektoruna tətbiq etdiyi sanksiyalardan sonra ölkə iqtisadiyyatı iflic vəziyyətə düşüb, milli pul vahidi- riyal öz dəyərinin təqribən 70 faizini itirib və inflyasiya həddi kəskin yüksəlib. Müxtəlif mənbələrin məlumatlarına görə, İran sanksiyalardan öncə günlük 2 milyon bareldən çox neft ixrac edirdisə, hazırda bu rəqəm 250- 500 min barel arasında dəyişir.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *