vaxtlı-vaxtında oxuyun! Çərşənbə axşamı, 19 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Fikir müxtəlifliyi təbii hadisədir. Hamı bir boyda ola bilmədiyi kimi, eyni fikirdə də ola bilməz»

Heydər Əliyev (1923 - 2003)
AVROPA  
18:38 | 3 avqust 2019 | Şənbə Məqaləyə 2061 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Conson sonuncu baş nazir ola bilər

CNN-dən Birləşmiş Krallıqla bağlı ilginc iddia

MÖVZU İLƏ ƏLAQƏLİ

Boris Conson Birləşmiş Krallığın sonuncu Baş Naziri ola bilər. Bu iddia CNN telekanalının analitik reportajında yer alıb. Siyasi analitik Lyuk MakGenin müəllifi olduğu şərhdə bildirilir ki, yaxın vaxtlarda Böyük Britaniya Birləşmiş Krallığı və Şimali İrlandiya arasında ziddiyyətlər daha da dərinləşəcək.

Qeyd olunur ki, Baş nazir seçildikdən sonra Şotlandiya, Uels və Şimali İrlandiyaya səfər edən Boris Conson güclü etirazlarla qarşılanıb. Brexit prosesində “əməl et və ya məhv ol” yanaşması da onun qarşısında duran ən ciddi problemdir. Avropa İttifaqını sazişsiz tərk etmək Birləşmiş Krallığın dörd subyekti arasında fikir ayrılığını daha da gücləndirəcək.

MakGe vurğulayır ki, Şotlandiyada Avropa yönümlü və bu ölkənin müstəqilliyini müdafiə edən siyasi qüvvələr daha da fəallaşıb. Şotlandiyanın birinci naziri Nikola Sturgeon isə bu siyasətçilərin liderinə çevrilib. Uels fermerləri də sazişsiz Brexiti dəstəkləmirlər və bu məsələdə yerli hakimiyyətə təzyiq göstərirlər. Bu ölkənin birinci naziri Mark Drakefield də Boris Consonun siyasətini sərt tənqid edib.

Birləşmiş Krallığın ikinci ən böyük subyekti Şimali İrlandiyada isə İrlandiya Respublikası ilə sərhədlərin qaldırılması üzrə tələblər artır. Burada etirazçılar Consonu “Brexit sərhədlər deməkdir” şüarı ilə qarşılayıblar. Şimali İrlandiyada sülh prosesini də nəzərə alan siyasi analitik qeyd edib ki, uzun illər davam etmiş və 3 minə yaxın insanın ölümü ilə nəticələnmiş münaqişənin mənəvi izləri hələ də qalır.

CNN-nin reportajında vurğulanır ki, indi Boris Conson dilemma ilə qarşılaşıb: Brexit prosesini sazişsiz bitirmək, yaxud Birləşmiş Krallığın vahidliyini qoruyub saxlamaq. Mançester Universitetinin siyasət üzrə professoru Rob Ford da qeyd edir ki, sazişsiz Brexit bu nəhəng dövlətin bölünməsinə səbəb ola bilər. Onun sözlərinə görə, Brexit lobbisi İngiltərədə daha çox güclüdür, digər subyektlərdə isə onun tərəfdarları azdır. Mühafizəkarlar Partiyasının burada və Şimali İrlandiyada tərəfdarları isə bildirirlər ki, Brexitin Birləşmiş Krallığın birliyinə xələl gətirəcəyi fikri ağlasığmazdır.

Beləliklə, Şimali İrlandiya və Şotlandiyada Brexit əleyhdarları daha güclü (56 faiz və 62 faiz), Uelsdə isə zəifdirlər. Qeyd olunur ki, bütün bu məsələlərə oktyabrın 31-dən sonra tam aydınlıq gətirilməsi gözlənilir. “Sərt Brexit” Birləşmiş Krallığın birliyinə xələl gətirərsə, o zaman Boris Conson da onun sonucu Baş Naziri olacaq (AzərTAC).