vaxtlı-vaxtında oxuyun! Çərşənbə axşamı, 19 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Mustafa Kamal Atatürk (1881 - 1938)

«Uca Türk, sənin üçün yüksəkliyin hüdudu yoxdur»

Mustafa Kamal Atatürk (1881 - 1938)
REGİON  
18:11 | 5 avqust 2019 | Bazar ertəsi Məqaləyə 2041 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Rusiyada hərbi hissədə partlayış

Əhali panikaya düşdü, 20 km radiusda evakuasiya gözlənilir

Rusiyanın Krasnoyarsk vilayətinin Açinsk şəhərinin sakinləri yaxınlıqda yerləşən hərbi hissədə baş vermiş partlayışa görə tələsik evlərini tərk etməyə çalışır.

Hərbi hissənin ərazisində döyüş mərmilərinin bir-birinin ardınca partlaması eşidilir, insanlar kütləvi şəkildə maşınlarına oturub yaşayış məntəqəsini tərk etməyə çalışır. Baxmayaraq ki, hakimiyyət nümayəndələri insanları panikaya düşməməyə çağırır.

Hərbi hissədə partlayış bu gün baş verib, azı 4 nəfərin xəsarət aldığı bildirilir.

Sosial şəbəkələrdə yayılmış videokadrlarda yollarda tıxacın yarandığı görünür, yanacaqdoldurma məntəqələrində də ajiotaj yaranıb. Bir çoxları benzin götürə bilmədiyindən yolda qalıb.

Müdafiə naziri Sergey Şoyqu öz müavini, ordu generalı Dmitri Bulqakovu bir qrup mütəxəssisləri ilə birlikdə partlayışı araşdırmaq üçün Krasnoyarska göndərib.

Hərbi hissənin 20 kilometrlik radiusunda əhalinin evakuasiyası barədə qərar verilib. Hərbi hissənin anbarlarında 152 və 155 millimetrlik mərmilər var.